Bota

Zgjedhjet në Turqi/ Erdogan: Vendi "do të paguajë një çmim të rëndë" nëse Kilicdaroglu fiton

Presidenti turk pranoi se përballet me vështirësi për të bindur brezin e ri që ta ndjekë.

12 Maj 2023, 19:21 Nga k.m.
Zgjedhjet në Turqi/ Erdogan: Vendi "do të paguajë një
Rexhep Tajip Erdogan

TURQI- Presidenti turk Rexhep Tajip Erdogan u përpoq të mblidhte bazën e tij sot, dy ditë përpara zgjedhjeve presidenciale vendimtare, më përçarësit me të cilët është përballur në dy dekadat e tij në detyrë. Në një lagje tradicionalisht konservatore të Stambollit, Erdogan iu drejtua mbështetësve të tij këtë pasdite dhe më pas përuroi një xhami - një nga mijëra që janë ngritur nën presidencën e tij në të gjithë vendin.

Në fjalën e tij, ai paralajmëroi se vendi "do të paguajë një çmim të rëndë" nëse opozita, fiton zgjedhjet. Sondazhet tregojnë se rivali i tij kryesor, Kemal Kilicdaroglu i Partisë Republikane Popullore (CHP) kryeson me një diferencë të ngushtë. Të enjten, një nga katër kandidatët, Muharem Ince, tërhoqi kandidaturën e tij, një fakt që vëzhguesit thonë se favorizon opozitarin Kiliçdaroglu.

Nëse asnjë nga tre të tjerët nuk arrin të mbledhë më shumë se 50% të dielën, dy të parët do të përballen me njëri-tjetrin në raundin e dytë më 28 maj. Përballë pakënaqësisë së shprehur nga një pjesë e shoqërisë, Kilicdaroglu e bazoi fushatën e tij në mesazhe pozitive, duke shmangur sulmet personale ndaj Erdoganit për t'u fokusuar në premtimet për rivendosjen e stabilitetit ekonomik dhe lirive.

Kreu i opozitës thekson se prioritet i tij është kthimi në sistemin parlamentar, për të mbyllur kapitullin e presidencës që mori plotfuqinë pas reformës kushtetuese të vitit 2017. Për ta bërë këtë, opozita duhet të fitojë edhe zgjedhjet parlamentare, por opinioni dhe sondazhet për momentin po i japin epërsinë aleancës konservatore të Erdoganit. 

rexhep tajip erdogan zgjedhjet ne turqi

Sondazh

Poll

MË SHUMË