Politike

Tensionet në Kukës! Akuzat për blerje votash, reagon Safet Gjici: Ne kontrollojmë territorin nga bandat! Të bllokohen makinat me targa të huaja

Gjici deklaron se kanë më shumë prova që do t'i dërgojnë para organeve ligjzbatuese.

12 Maj 2023, 11:06 Nga A.B
Tensionet në Kukës! Akuzat për blerje votash, reagon Safet Gjici:
Safet Gjici

KUKËS- Kandidati i Partisë Socialiste për Bashkinë e Kukësit për '14 Majin', Safet Gjici, ka dalë publikisht para mediave për të sqaruar ngjarjet që trazuan qytetin një natë më parë. Duke mohuar se kishte shit-blerje votash, ai thekson se në pamje ishin vetëm njerëzit e tij që dalin në terren për të kontrolluar territorin, e sipas tij, për ta mbrojtur nga bandat. 

Më tej, ai bën thirrje që të bllokohen të gjitha makinat me targa të huaja dhe me xhama të zinj që lëvizin në zonë. Ai shton, se kanë më shumë prova që do t'i dërgojnë para organeve ligjzbatuese.

“Video kishte pamje që njerëzit tonë dalin në terren për të kontrolluar furgonin e bandës që blejnë vota ditë për diell, janë turrë si hiena në çdo njësi administrative vetëm për të blerë vota dhe për të bërë presione, video tregohet qartë që s’ka as armë as para. Ne jemi në kontroll, kontrollojmë territorin nga bandat dhe furgoni i bandave që i ka rreth kandidati i Non Gratave.

Të bllokohen të gjitha makinat me targa të huaja dhe me xhama të zeza që lëvizin në territor. Kemi prova dhe video dhe do i çojmë në organet ligjzbatuese”, tha Gjici.

safet gjici fushata 2023

Sondazh

Poll

MË SHUMË