Sport

Argjentinasi Marcelo Bielsa, do të jetë trajneri i ri i Uruguajit, mungon vetëm firma

Argjentinasi Marcelo Bielsa do të marrë drejtimin e kombëtares së Uruguajit për ta udhëhequr atë të paktën deri në Kupën e Botës 2026, njoftoi të enjten Federata e Futbollit të Uruguajit.

12 Maj 2023, 10:51 Nga DOSJA

Argjentinasi Marcelo Bielsa, do të jetë trajneri i ri i Uruguajit,

URUGUAJI - Argjentinasi Marcelo Bielsa, i cili u largua nga Leeds në shkurt 2022, do të marrë drejtimin e ekipit kombëtar të Uruguajit për ta udhëhequr atë, të paktën deri në Kupën e Botës 2026, njoftoi të enjten Federata e Futbollit të Uruguait (AUF). 

“El Loco” ka drejtuar më herët kombëtaren e Argjentinës (1998-2004) dhe Kilit (2007-2011). "Ne kemi arritur një marrëveshje", "dallimet në formulime janë zgjidhur dhe gjithçka që mbetet është nënshkrimi i kontratës", detajet e së cilës nuk janë zbuluar, tha për AFP Jorge Casales, një anëtar i Këshillit. të AUF-së.

‘Celeste’ nuk kishte asnjë trajner që nga përfundimi i kontratës së Diego Alonsos, pas eliminimit në fazën e grupeve të Kupës së Botës 2022. Ai kishte marrë frenat e kombëtares, më pas u mposht në kualifikueset e Amerikës së Jugut për Katarin, duke zëvendësuar një Oscar Tabarez (2006 -2021) në fund të mbretërimit të tij.

Argjentinasi Marcelo Bielsa, do të jetë trajneri i ri i Uruguajit,

Bielsa, trajneri i dytë jo uruguajan

Pritet që prej një muaji, që Bielsa, 67 vjeç, do të udhëheqte ndeshjet e tij të para në qershor në dy miqësoret që do të përcaktohen, përpara se të fillojë kualifikimet e Amerikës së Jugut për Kupën e Botës 2026. Me Federico Valverde (Real Madrid), Darwin Nunez (Liverpool) ose Ronald Araujo (Barcelona) si majë shtize, ai do të jetë vetëm i dyti jo-uruguajan që stërvit kampionët e dyfishtë të botës (1930, 1950) pas Daniel Passarella, një tjetër argjentinas, midis 1999 dhe 2001.

Pikërisht në krye të Argjentinës, Bielsa përjetoi dështimin e tij më të madh... por pa u dorëhequr.  Argjentina e Gabriel Batistutas dhe Hernan Crespos, e mbërritur si një favorit i madh në Kupën e Botës 2002, nuk kishte kaluar as në raundin e parë (ashtu si skuadra e Francës). Banori i Rosarios, kishte mbetur në krye, pavarësisht këtij aksidenti dhe kishte fituar suksesin e tij më të madh me medaljen e artë në Lojërat Olimpike të vitit 2004 në krye të ekipit olimpik.

Por ai ishte larguar vetë nga ‘Albiceleste’, i irrituar që nuk kishte mbështetjen e federatës së tij për sigurimin e ndërkombëtarëve që luanin në Evropë. Më pas, ish-mësuesi i edukimit fizik mori një tjetër kombëtare, Kilin, për katër vjet (2007-2011) dhe e ngriti në fazën e 16-të (u eliminua nga Brazili). Por edhe atje kishte dhënë dorëheqjen kur presidenti i ri i Federatës nuk i ka pëlqyer.

B.T (Dosja.al)

Sondazh

Poll

MË SHUMË