Aktualitet

Ndryshojnë sërish çmimet e karburanteve në vend, nafta rritet me 4 lekë

Nafta do të shitet me 173 lekë për litër, nga 169 lekë për litër, duke shënuar kështu një rritje të çmimit me 4 lekë për litër.

10 Maj 2023, 17:15 Nga k.m.
Ndryshojnë sërish çmimet e karburanteve në vend, nafta
Foto ilustruese

TIRANË- Bordi i Transparencës ka publikuar pasditen e kësaj të mërkure çmimet e reja të karburanteve, ku ka vendosur të rrisë çmimin e naftës. Në vendimin e publikuar ditën e sotme, nafta do të shitet me 173 lekë për litër, nga 169 lekë për litër, duke shënuar kështu një rritje të çmimit me 4 lekë për litër. Ndërsa benzina do të shitet me 173 lekë për litër dhe gazi me 63 lekë për litër duke shënuar rritje me nga 1 lekë krahasuar me vendimin e mëparshëm.

Vendim i Bordit të Transparencës – 10.05.2023

Vendimet e Bordit të Transparencës në datë 10 Maj  2023 kanë ndryshime të çmimit nga ai i përcaktuar në mbledhjen e fundit. Si rrjedhojë çmimet e vendosura janë: Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 173 lekë/litri, ndërsa i shitjes me shumicë jo më shumë se 161 lekë/litër. Çmimi i shitjes me pakicë i nënproduktit benzinë e standardit SSH EN të jetë jo më shumë se 173 lekë/litri, ndërsa i shitjes me shumicë jo më shumë se 161 lekë/litër. Çmimi i shitjes me pakicë i nënproduktit gaz, të jetë 63 lekë/litri me pakicë dhe i shitjes me shumicë 51 lekë/litër për automjetet.

Çmimi i gazoilit për peshkim është vendosur 79 lekë/litër. Çmimet e caktuara nga Bordi do të hynë në fuqi në datë 10 Maj ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes. Bordi i transparencës që në krijimin e tij i është përmbajtur me përpikmëri në vendimet e tij lëvizjes së bursës Platts të Mesdheut për gazoilin, benzinën, si dhe faturave zyrtare të operatorëve. Ministria e Financave dhe Ekonomisë ndjen detyrimin të sqarojë opinionin publik se jo çdo lëvizje e bursës së naftës bruto reflektohet në të njëjtën kohë dhe në të njëjtën masë në bursën e gazoilit dhe benzinës.

cmimi i karburanteve

Sondazh

Poll

MË SHUMË