Aktualitet

Dua Lipa, Rita Ora, Bebe Rexha? Kush do jetë në përurimin e rrugës “Ismail Qemali”

Ai u shpreh se ka biseduar me fotografin e njohur Fadil Berisha i cili i ka premtuar se do të bëjë të mundur pjesëmarrjen e tyre.

10 Maj 2023, 09:47 Nga I.A
Dua Lipa, Rita Ora, Bebe Rexha? Kush do jetë në përurimin e
Dua Lipa, Rita Ora dhe Bebe Rexha

SHBA- Emërtimi i rrugës në Staten Island, New York, për nder të Ismail Qemalit do të jetë një moment i paharrueshëm për komunitetin shqiptar. Naser Nika, kryetar i shoqatës shqiptaro-amerikane tha në emisionin GoodMorning Albanians në Euronews Albania, tha se po lobon që në ceremoni të jenë të pranishme edhe yjet e muzikës shqiptare si Dua Lipa, Rita Ora apo Bebe Rexha. Ai u shpreh se ka biseduar me fotografin e njohur Fadil Berisha i cili i ka premtuar se do të bëjë të mundur pjesëmarrjen e tyre.

“Fadil Berishën e kam shok dhe përmes tij i kam kërkuar që të ftojë këngëtaret e njohura shqiptare me famë botërore si Dua Lipa, Rita Ora apo Bebe Rexha. Unë i kam thënë se nëse ka një njëri që mund t’i ftojë ai është Fadil Berisha dhe e kam lënë në dorë të tij. Ajo do të ishte një gjë shumë e bukur, por ndoshta mundësitë më të mëdha për të marrë pjesë i ka Bebe Rexha duke qenë se jeton këtu. Fadili më ka thënë që do të bëjë maksimumin”, tha ai.

naser nika fadil berisha dua lipa rita ora bebe rexha

Sondazh

Poll

MË SHUMË