Aktualitet

EMRI/ Identifikohet shqiptari që vrau të bijën dhe italianin në Itali, plagosi dhe gruan

Shqiptari dyshonte prej kohësh se gruaja e tij e tradhëtonte me një italian.

7 Maj 2023, 12:21 Nga F.M
EMRI/ Identifikohet shqiptari që vrau të bijën dhe italianin
Karabinierët

ITALI- Taulant Malaj është shqiptari që vrau të bijën, një italian dhe plagosi bashkëshorten e tij. Ngjarja ndodhi gjatë natës së kaluar, në Torremaggiore, në zonën e Foggia. Shqiptari dyshonte prej kohësh se gruaja e tij e tradhëtonte me një italian. Rreth orës 02:00, 45-vjeçari shqiptar që punonte si bukëpjekës po kthehej në banesë, në Torremaggiore, në zonën e Foggia, por në shkallë hasi italianin me të cilin dyshonte se e tradhëtonte gruaja, Massimo De Santis, 51 vjeç. 

Këtë të fundit ai e qëlloi me një thikë dhe më pas me të njëjtën thikë të lyer me gjak, u fut në banesë ku u konfliktua me të shoqen. Dyshja nisën të konfliktoheshin fizikisht dhe në momentin që shqiptari i drejtoi thikën gruas, 16-vjeçarja u fut mes prindërve për të mbrojtur të ëmën. Për rrjedhojë, 45-vjeçari e qëlloi me thikë të bijën duke e lënë të vdekur në vend. I pajetë është gjetur dhe italiani në shkallë, që siç duket kishte humbur shumë gjak, ndërsa gruaja e shqiptarit ndodhet në spital e plagosur. 45-vjeçari ka tentuar të arratiset, por karabinierët e kanë vënë në pranga. 

taulant malaj masakra e shqiptarit ne itali massimo de santis

Sondazh

Poll

MË SHUMË