Politike

VIDEO- "Bashkë-Fitojmë": Rrugëtimi i Veliajt nga MJAFT-ist në "vëlla i vogël i Ramës"

Rrugëtimi i Veliajt në politikë, sipas 'Bashkë Fitojmë'.

5 Maj 2023, 10:05 Nga A.B
VIDEO- "Bashkë-Fitojmë": Rrugëtimi i Veliajt nga
Erion Veliaj

TIRANË- Zëdhënësja e fushatës së kandidatit të 'Bashkë Fitojmë", Silvi Bardhi ka ndarë ditën e sotme një video ku shfaqet rrugëtimi në politikë i kryebashkiakut të Tiranës, Erion Veliaj.

Duke e cilësuar Veliajin si 'vëllai i vogël i Ramës', Bardhi shkruan se fillimisht ai e nisi karrierën duke dalë kundër klasës politike e më pas iu bashkua së njëjtës klasë. 

"Rrugëtimi i Veliajt nga MJAFT-ist në "vëlla i vogël i Ramës". E nisi karrirën si themelues i "MJAFT", nga ku bënte thirrje kundër klasës politike. Më pas iu bashkua të njëjtës klasë, duke sjellë modelin më të shëmtuar në politikë, atë të një politikani me shumë fytyra, që kujdesej për makiazhin apo fasadën.

Sot flet si socialist, ndërkohë që me MJAFT-in e tij sulmonte çdo figurë të socialistëve, përfshi edhe ata që sot dalin e mbledhin vota për të.

Kundër socialistëve e përdori Edi Rama, deri ditën që mori tërësisht nën kontroll këtë parti. Më pas e përdori për të goditur çdo element tjetër duke i shfrytëzuar në detaje se Erion Veliaj nuk ka asnjë lloj principi për të arritur atë që dëshiron"- shkruan Bardhi. 

erion veliaj

Sondazh

Poll

MË SHUMË