Presidenti i Shteteve të Bashkuara të Amerikës, Joe Biden nënshkroi një urdhër ekzekutiv të enjten duke hapur rrugën për të sanksionuar individët e përfshirë në dhunën e fundit në Sudan që la qindra të vdekur dhe e futi shtetin afrikan në kaos.
SHBA- Presidenti i Shteteve të Bashkuara të Amerikës, Joe Biden nënshkroi një urdhër ekzekutiv të enjten duke hapur rrugën për të sanksionuar individët e përfshirë në dhunën e fundit në Sudan që la qindra të vdekur dhe e futi shtetin afrikan në kaos.
Biden tha në një deklaratë se urdhri i tij “do të mbajë individë përgjegjës për kërcënimin e paqes, sigurisë dhe stabilitetit të Sudanit…dhe shkeljeve të rënda të të drejtave të njeriut.” Presidenti tha se dhuna që po ndodh në Sudan është “një tragjedi – dhe është një tradhti e kërkesës së qartë të popullit sudanez për qeveri civile dhe një tranzicion drejt demokracisë”.
“Unë bashkohem me popullin paqedashës të Sudanit dhe liderët në mbarë botën në thirrjen për një armëpushim të qëndrueshëm midis palëve ndërluftuese,” tha Biden.
Luftimet e Sudanit shpërthyen më 15 prill midis dy komandantëve të cilët vetëm 18 muaj më parë orkestruan bashkërisht një grushtshteti ushtarak për të prishur tranzicionin e vendit drejt demokracisë. Lufta për pushtet midis shefit të forcave të armatosura, gjeneral Abdel-Fattah Burhan, dhe kreut të grupit paraushtarak të Forcave të Mbështetjes së Shpejtë, Gjeneral Mohammed Hamdan Dagalo ka bërë që qindra mijëra sudanezë të zhvendosen.
Shumë shtete kanë nxituar të evakuojnë qytetarët e tyre nga Sudani, megjithëse miliona mbeten atje mes një armëpushimi të brishtë. Kombet e Bashkuara paralajmëruan të mërkurën se njerëzit e vendit “po përballen me një katastrofë humanitare”.
Konflikti ka vrarë të paktën 550 njerëz, përfshirë civilë dhe ka plagosur më shumë se 4.900. Të paktën 334.000 njerëz janë zhvendosur brenda Sudanit dhe dhjetëra mijëra të tjerë në vendet fqinje, Egjipt, Çad, Sudanin e Jugut, Republikën e Afrikës Qendrore dhe Etiopinë, sipas agjencive të OKB-së.
Mijëra punëtorë të OKB-së u evakuuan një javë pas fillimit të luftimeve dhe disa agjenci të OKB-së ndërprenë shërbimet e tyre. Programi Botëror i Ushqimit pezulloi operacionet pasi tre nga punëtorët e tij u vranë në luftimet në jug të Sudanit, por agjencia ka thënë që atëherë se do të rifillojë punën e saj. Luftimet kanë përfshirë një luftë të paprecedentë urbane në kryeqytetin, Khartoum./ REL
Viktor Orban, Ursula von der Leyen HUNGARI- Hungaria ka akuzuar Komisionin Evropian se është treguar i njëanshëm dhe i padrejt&eum...
Donald Trump dhe Viktor Orban HUNGARI- Udhëheqësi hungarez Viktor Orban ka bërë thirrje për kthimin e ish-presidentit të...
Foto ilustruese HOLANDË- Një ngjarje tronditëse është bërë së fundmi publike në Holandë. Mediat e huaja ...
përleshje në Ankara TURQI- Një incident ka ndodhur në Ankara gjatë Asamblesë Parlamentare të Komunitetit Ekonomik ...
Foto ilustruese BELGJIKË- Autoritetet belge kanë vënë në pranga 7 persona, shumica prej të cilëve me origjinë &cce...
Gjyqi në Hagë HAGË- Gjykata Speciale në Hagë, më konkretisht, kryetari i Dhomave të Specializuara ka marrë ve...
Memli Krasniqi KOSOVË- Kryetari i PDK-së, Memli Krasniqi ka folur për Deklaratën për Personat e Zhdukur, për të ci...
Qytetarët në Kosovë ndezin qirinj për viktimat e pafajshme të masakrës në Serbi KOSOVË- Në shkallët...
Arrestohet gruaja në Iran IRAN- Veshja e shamisë (Hixhabi) është i detyrueshëm për gratë në Iran që pas ...
Mbështetësit e Frontit Demokratik duke festuar fitoren e Jakov Milatoviçit Fronti Demokratik pro-rus, i cili ka pushtet absolut në Ze...