Bota

Zelenskyy: Putin meriton të dënohet dhe të dalë para gjykatës së Hagës

Presidenti ukrainas ka kërkuar që Vladimir Putin të dënohet, duke iu referuar krimeve të luftës për të cilat është akuzuar.

4 Maj 2023, 11:32 Nga f.i
Zelenskyy: Putin meriton të dënohet dhe të dalë para
Volodymyr Zelenskyy

HAGË- Volodymyr Zelenskyy ka nisur fjalimin e tij në Hagë. Mediat e huaja raportojnë se presidenti ukrainas ka kërkuar që Vladimir Putin të dënohet. 

“Ne të gjithë duam të shohim Putin në Hagë. Putin meriton të dënohet dhe të dalë para gjykatës së Hagës. Të sanksionohet për veprimet e tij kriminale këtu, në kryeqytetin e së drejtës ndërkombëtare”,- tha Zelenskyy në një fjalim, duke iu referuar Putinit.

"Jam i sigurt se do ta shohim këtë të ndodhë kur të fitojmë," tha ai, duke shtuar: "Kushdo që sjell luftë duhet të marrë gjykimin."

Kujtojmë se në mars ICC-ja lëshoi ​​një urdhër arresti për Putinin për dëbimin e dyshuar të fëmijëve nga Ukraina dhe Komisioni Evropian ka thënë se një qendër tjetër ndërkombëtare për ndjekjen e krimit të agresionit në Ukrainë do të ngrihet në Hagë. Rusia, e cila nuk është anëtare e ICC-së dhe refuzon juridiksionin e saj, mohon kryerjen e mizorive gjatë konfliktit të saj me Ukrainën, të cilën e quan një "operacion special ushtarak".

 

lufta ne ukraine

Sondazh

Poll

MË SHUMË