Bota

Kurti krenohet me lirinë e medias në Kosovë: Në dy vjet rankimi u përmirësua për 22 vende

Ai tha se Kosova është përmirësuar për 22 vende në këtë rangim të Reporterëve pa Kufij, duke shtuar se një shtyp i lirë është shtyllë e demokracisë në vend.

3 Maj 2023, 15:16 Nga I.A
Kurti krenohet me lirinë e medias në Kosovë: Në dy vjet
Albin Kurti

KOSOVË- Kryeministri i Kosovës Albin Kurti në Ditën Botërore të Mediave, duke shpërndarë një statistikë të Reporterëve pa Kufij, është krenuar me lirinë e medias në Kosovë.  Ai tha se Kosova është përmirësuar për 22 vende në këtë rankim të Reporterëve pa Kufij, duke shtuar se një shtyp i lirë është shtyllë e demokracisë në vend.

“Në Ditën Botërore të Lirisë së Shtypit, ne jemi krenarë të njoftojmë se sipas Reporterëve pa Kufij, Kosova përmirësoi pozicionin e saj me 22 vende në 2 vjet për mjedisin e saj gazetaresk. Një shtyp i lirë dhe i pavarur do të mbetet gjithmonë një shtyllë e rëndësishme e demokracisë dhe e vendit tonë” shkruan Kurti.

Sidoqoftë, organizata Gazetarët Pa Kufij i radhiti Kosovën dhe Shqipërinë në mesin e vendeve problematike. Por, sipas indeksit që u publikua të mërkurën, të dyja vendet kanë shënuar rritje në krahasim me një vit më parë. Në indeksin që përfshin 180 vende, Kosova radhitet në vendin e 56-të, një rritje prej 5 vendesh në krahasim me vitin e kaluar, kur radhitej në vendin e 61-të.

albin kurti

Sondazh

Poll

MË SHUMË