Bota

Vota pro e Malit të Zi për Kosovën, Abazoviç thirret me urgjencë në Parlament

Abazoviç është thirrur me urgjencë nga Parlamenti për të dhënë sqarime për votën pro anëtarësimit të Kosovës në Këshillin e Europës, një seancë e cila pritet të mbahet sot.

3 Maj 2023, 10:37 Nga m.s
Vota pro e Malit të Zi për Kosovën, Abazoviç thirret me
Dritan Abazoviç

KOSOVË- Partive pro serbe në Mal të Zi nuk iu ka pëlqyer vota e Malit të Zi pro anëtarësimit të Kosovës në Këshill të Evropës. Këto parti, për shkak të kësaj vote e kanë ftuar kryeministrin në detyrë të Malit të Zi, Dritan Abazoviç, të japë sqarime në Komisionin për Marrëdhënie Ndërkombëtare të Parlamentit të Malit të Zi. 

Abazoviç është thirrur me urgjencë nga Parlamenti për të dhënë sqarime për votën pro anëtarësimit të Kosovës në Këshillin e Europës, një seancë e cila pritet të mbahet sot. Dritan Abazoviç ka thënë se Kosova do të mbështetet në të gjitha nismat rajonale dhe evropiane.

Kërkesa është bërë me sugjerimin e kryetarit të Komisionit për Marrëdhënie Ndërkombëtare, Miodrag Lekiç, i cili me herët ishte i mandatuar edhe për të qenë kryeministër i Malit te Zi, i mbështetur edhe nga deputetët e Partisë Popullore Socialiste, Fronti Demokratik. Gjatë qëndrimit të tij në Kosovë, Dritan Abazoviç, tha se Kosova do të mbështetet në të gjitha nismat rajonale dhe evropiane.

Më 24 prill, kërkesa e Kosovës për anëtarësim në KiE, i kaloi Asamblesë me 33 vota pro nga 46 vende që morën pjesë në votim. Mali i Zi e ka njohur pavarësinë e Kosovës më 9 tetor 2008, por kohët e fundit ka pasur skepticizëm për sjelljen e këtij vendi pas fitore së zgjedhjeve presidenciale nga Jakov Millatovic i cili u mbështet nga forcat pro serbe.

Seanca dëgjimore e Abazoviçit u mbështet nga deputetët e Frontit Demokratik pro-rus (DF), ata të Partisë Popullore Socialiste pro-serbe (SNP) dhe Demokratëve, me sugjerimin e kryetarit të Komisionit, Miodrag Lekiç. 

“Të na shpjegojë metodën, me të cilën është vendosur që të përkrahet Kosova si anëtare e Këshillit të Evropës. Kjo çështje është e diskutueshme. Vendimi është marrë tepër lehtë kur janë duke u zhvilluar negociata të rëndësishme ndërmjet Beogradit dhe Prishtinës”, është shprehur më herët ai. /Dosja.al 

mali i zi kosova dritan abazoviç

Sondazh

Poll

MË SHUMË