Sport

SURPRIZE! Real Madrid fundoset në Girona dhe ia bën më të lehtë titullin Barcelonës...

I minuar nga problemet e mëdha në mbrojtje, Real Madridi u mbyt në lëndinën e Gironas, pas një ‘pokeri’ të argjentinasit Valentin Castellanos (4-2). Titulli së shpejti humbet edhe matematikisht.

25 Prill 2023, 22:33 Nga DOSJA

SURPRIZE! Real Madrid fundoset në Girona dhe ia bën më të

SPANJE - 25 prilli na rezervoi një surprizë të madhe... në Girona. Real Madridi humbi këtë të martë me rezultat 4-2, në duelin e xhiros së 31-të të kampionatit spanjoll, me një emër që hidhet në sy të të gjithëve: Valentin Castellanos. Golat e tij ishin në minutat 12, 24, 46 dhe 62, për madrilènët shënuanVinicius (34’) dhe Lucas (85’).

Sulmuesi i ri argjentinas, 24-vjeç, drejtoi një ‘poker’ këtë pasdite dhe u bë lojtari i parë që e arrin këtë sukses në një ndeshje të vetme të ligës spanjolle që nga...1947 (!). 

Para Valentin Castellanos, asnjë lojtar nuk kishte shënuar një hat-trick në La Liga kundër Real Madridit në 75 vjet (Esteban Echevarría me Real Oviedon në 1947).

SURPRIZE! Real Madrid fundoset në Girona dhe ia bën më të
Argjentinasi 24-vjeçar Valentin Castellanos, autor i katër golave

Me këtë rezultat të rëndë, Real Madrid, i frenuar nga mungesat e Karim Benzema, David Alaba, Ferland Mendy, Eden Hazard (i lënduar), Thibaut Courtois (i sëmurë) dhe me një Eduardo Camavinga që e zëvendësoi, mund ta shohë Atlético Madridin që t'i afrohet vendit të dytë, nëse bardhekuqtë fiton nesër (e mërkurë) në pritjen ndaj Mallorca. 

Nga ana tjetër, Girona bën një kërcim provizor në tabelë në vendin e 9-të. Diferenca me Barcelonën vazhdon të jetë 11 pikë, ndërkohë që katalanasit do të luajnë nesër në transfertë ndaj Rayo Vallecanos (22:00).

B.T (Dosja.al)

Sondazh

Poll

MË SHUMË