Sport

Julian Nagelsmann del jashtë listës për stolin e Chelsea… nuk plotëson "kushtet"

Gara për postin e trajnerit të Chelsea-t tani është ende enigmë, me reporterin italian Fabrizio Romano, që zbulon se Julian Nagelsmann është larguar.

22 Prill 2023, 12:50 Nga DOSJA

Julian Nagelsmann del jashtë listës për stolin e Chelsea…

ANGLI - Thomas Tuchel, Graham Potter, Bruno Salter dhe Frank Lampard, kanë qenë tashmë në pankinën e Chelseat këtë sezon, me listën e drejtuesve “Blu’ në epokën pas Abramovic, që pritet të rritet shumë shpejt.

Dhe kjo sepse Frank Lampard ka një rol shërbimi deri në fund të sezonit dhe nuk ka asnjë shpresë për të mbajtur vendin e tij (në fund të fundit, ai numëron 4 humbje në ndeshjet e tij të para po aq në stol, një rekord negativ në historinë 118-vjeçare të Chelseat), me Todd Boley dhe partnerët e tij, që kanë nisur pak kohë më pare punën për të gjetur personin e duhur për të marrë frenat në sezonin e ri.

Deri para pak kohësh Julian Nagelsmann, Maurizio Pochettino, Vincent Kompany dhe një trajner tjetër, identiteti i të cilit ende nuk është zbuluar, përbënin listën me katër kandidatët kryesorë, por sipas Fabrizio Romano lista tani është më e vogël.

Dhe kjo për shkak se Nagelsmann nuk përfshihet më në këtë, me trajnerin gjerman, i cili u lirua nga Bayern një muaj më pare, duke marrë pjesë në diskutime me drejtuesit e Chelseat, por në fund vendosi të qëndrojë jashtë garës për këtë post.

Julian Nagelsmann del jashtë listës për stolin e Chelsea…

Arsyeja ishte se kishte disa mosmarrëveshje me njerëzit e Chelseat për çështje të rëndësishme, me gazetarin me reputacion italian, që raportoi gjithashtu se edhe Luis Enrique tani është jashtë garës, me Mauricio Pochettino përkatësisht gjithmonë në krye të listës së londinezëve.

B.T (Dosja.al)

Sondazh

Poll

MË SHUMË