Bota

Uashingtoni thirrje Turqisë dhe Hungarisë: Ratifikoni kërkesën e Suedisë për anëtarësim në NATO

Duke theksuar mbështetjen e SHBA-së për Suedinë, Austin tha se SHBA kishte rritur praninë e saj ushtarake në vendin skandinav.

19 Prill 2023, 17:36 Nga a.l
Uashingtoni thirrje Turqisë dhe Hungarisë: Ratifikoni
Sekretari amerikan i Mbrojtjes Lloyd Austin

SHBA- Uashingtoni i ka bwrw thirrje Turqisë dhe Hungarisë që të ratifikojnë ofertën e Suedisë për anëtarësim në NATO, e cila është bllokuar prej muajsh për shkak të një sërë mosmarrëveshjesh me të dy vendet.

“Ne presim që së shpejti të mirëpresim Suedinë si anëtaren e 32-të të NATO-s. Dhe për të qenë të qartë, ne presim që kjo të ndodhë përpara samitit të NATO-s në korrik. Kështu që ne inkurajojmë aleatët tanë, Turqinë dhe Hungarinë, që të ratifikojnë sa më shpejt pranimin e Suedisë," tha Sekretari amerikan i Mbrojtjes Lloyd Austin gjatë një vizite në Suedi.

Duke theksuar mbështetjen e SHBA-së për Suedinë, Austin tha se SHBA kishte rritur praninë e saj ushtarake në vendin skandinav.

“Për të nënvizuar mbështetjen tonë të thellë, departamenti [i mbrojtjes] ka rritur numrin e vizitave të anijeve dhe misioneve të grupit të punës bombardues dhe angazhimeve të nivelit të lartë me Suedinë,” tha ai.

Duke i dhënë fund dy shekujve të neutralitetit dhe mos-angazhimit ushtarak, Suedia dhe Finlanda fqinje njoftuan ofertat për t'u bashkuar me NATO-n në maj 2022, në vazhdën e pushtimit rus të Ukrainës. Por ndërsa Finlanda arriti të bëhej anëtari i 31-të i NATO-s më 4 prill, oferta e Suedisë ende përballet me kundërshtime, shkruajnë mediat e huaja. Anëtarët e rinj duhet të ratifikohen unanimisht nga të gjithë anëtarët e aleancës dhe Suedia ende përballet me kundërshtimin e Ankarasë dhe Budapestit.

lloyd austin

Sondazh

Poll

MË SHUMË