Bota

Sulmet e vazhdueshme në Sudan/ Gjysma e spitaleve mbyllen teksa numri i viktimave rritet

Organizata Botërore e Shëndetësisë tha se shumë spitale në Khartoum raportuan mungesë "gjaku, pajisje transfuzioni, furnizime mjekësore dhe mallra të tjera për të shpëtuar jetën".

19 Prill 2023, 13:11 Nga f.i
Sulmet e vazhdueshme në Sudan/ Gjysma e spitaleve mbyllen teksa numri i
spital i sulmuar në Sudan

SUDAN- Gjysma e spitaleve në kryeqytetin e Sudanit janë mbyllur për shkak të luftimeve. CNN raporton se  edhe pse numri i viktimave rritet dhe me shumë prej të plagosurve që kanë nevojë urgjente për kujdes mjekësor, qendrat spitalore kanë mungesë stafi dhe furnizimesh.

“Sipas informacionit që kemi në Khartoum 50% e spitaleve kanë qenë jashtë funksionit në 72 orët e para. Kjo për shkak se stafi nuk ndihet i sigurt për të shkuar atje ose vetë spitalet kanë qenë subjekt i bombardimeve,"-tha Abdalla Hussein, menaxheri operacional i Medecins Sans Frontière (MSF) për Sudanin. 

Organizata Botërore e Shëndetësisë tha se shumë spitale në Khartoum raportuan mungesë "gjaku, pajisje transfuzioni, furnizime mjekësore dhe mallra të tjera për të shpëtuar jetën".

Në Sudan, situata ka dalë jashtë kontrollit për shkak të rivalitetit mes dy gjeneralëve që mbajnë frenat pas grushtit të shtetit të vitit 2021. Deri më tani raportohet të jenë vrarë 270 persona përfshirë aty edhe civilë. Ndërsa 2600 të tjerë kanë mbetur të plagosur. Luftimet janë duke ndodhur në pika kyçe strategjike në Kartum. Thirrje për një armëpushim të menjëhershëm është bërë nga OKB-ja, Uashingtoni, Moska, Bashkimi Afrikan, Liga Arabe, Bashkimi Evropian dhe madje edhe ish-kryeministri Abdullah Hamdok. 

sulme ne sudan

Sondazh

Poll

MË SHUMË