Sport

VIDEO/ Shpërthen lufta! Barcelona e akuzoi si “klub i regjimit të Frankos”, Real Madridi reagon hidhet në sulm…

Në përgjigje të presidentit të FC Barcelona, Joan Laporta, i cili e quajti Real Madridin një “klub regjimi”, të hënën, klubi nga kryeqyteti spanjol publikoi një video ku prezantonte, sipas tij, lidhjet e Barçës me ish-diktatorin Francisco Franko.

18 Prill 2023, 10:06 Nga DOSJA

VIDEO/ Shpërthen lufta! Barcelona e akuzoi si “klub i regjimit

SPANJE - Në prag të ndeshjes së dytë çerekfinale të Champions League kundër Chelsea, llogaria zyrtare e Real Madrid postoi një video montazh katërminutësh në Twitter, ku tregon, sipas tij, lidhjet e FC Barcelonës me regjimin e diktatorit Francisco Franco dhe kreun e shtetit spanjol midis 1936 dhe 1975.

Ky postim në Twitter është një përgjigje ndaj komenteve të bëra në shtyp nga presidenti i Barcelonës, Joan Laporta më herët të hënën. Ai u mor në pyetje për “aferën Negreira” dhe dyshimet për korrupsion në arbitrazh. “Ky klub, i cili ndihet i acaruar sportivisht, Real Madrid, është një klub i cili historikisht është favorizuar nga vendimet e arbitrazhit,- tha ai, - dhe kështu është edhe sot. Një klub i konsideruar si ai i regjimit”.

“Barça u shpëtua tre herë nga falimentimi prej Frankos”

Real Madridi nis duke shtruar pyetjen: "Kush ishte klubi i regjimit?" Para se të rendiste argumentet e tij. “Camp Nou u inaugurua nga ministri i përgjithshëm i Frankos, José Solis Ruiz”, shkruan institucioni merengue, bazuar në videon e atij momenti, 24 shtator 1957.

“Barça i dhuroi Frankos simbolin e saj, e emëroi atë anëtar nderi në vitin 1965, e dekoroi tre herë dhe u shpëtua nga falimentimi tre herë me vendimet e tij, - vazhdon videoja, bazuar në fotot që tregojnë veçanërisht përshëndetjet fashiste të bëra nga lojtarët e FC Barcelona. Barça ka fituar tetë herë La Ligën dhe nëntë herë Kupën nën rregjimin e Frankos”.

VIDEO/ Shpërthen lufta! Barcelona e akuzoi si “klub i regjimit

Dhe institucioni merenge krahasohet me situatën e tij. Real  Madridit iu deshën pesëmbëdhjetë vjet për të fituar një kampionat. Reali u shpërbë gjatë luftës civile, lojtarët u vranë, u ndaluan ose u detyruan në mërgim, siç rrëfen dokumentari i Santiago Bernabeut. 

Një fragment ai sugjeron këtë: “Në vitin 1939, Real Madrid ishte në një situatë kritike.  Zyra qendrore zhduket në një bombardim, trofetë janë vjedhur. Kemi vetëm pesë lojtarë të mbetur. Pjesa tjetër internohen, ose ndalohen.”

Dokumenti përfundon me një deklaratë nga Bernabeu, të ish-presidentit të klubit: “Kur dëgjoj se Real Madridi ishte ‘klubi i regjimit’, më bën të dëshiroj të bëj jashtëqitje ndaj babait të kujtdo që e thotë këtë. Dhe kjo pyetje: "Cili është klubi i regjimit?"

B.T (Dosja.al)

Sondazh

Poll

MË SHUMË