Bota

Shokon i riu që vrau nënën e tij në Pejë: Më detyruan rusët ta bëj, unë jam i dërguari i profetit dhe Skënderbeu i ri

Avokati tha se nga Prokuroria Themelore në Pejë ka kërkuar që 30-vjeçarit t’i bëhet ekzaminimi psikiatrik.

16 Prill 2023, 18:28 Nga F.M
Shokon i riu që vrau nënën e tij në Pejë: Më
Hyrije dhe Urim Hyseni

KOSOVË- Avokati i Urim Hysenit, të riut që i preu kokën nënës së tij ka deklaruar se është e nevojshme që klientit të tij t’i bëhet një ekzaminim psikiatrik për shkak të deklaratave që ai i ka dhënë gjatë bisedës që kanë pasur.

Asdren Mekaj ka treguar për mediat në Kosovë se gjatë bisedave që ka patur me klientin e tij ai i ka thënë disa arsye që e kanë shtyrë drejt krimit makabër.

“Më ka detyruar shërbimi informativ rus”, “Jam i dërguar i profetit”, “E kam shpëtuar shqiptarinë” dhe “Jam Skënderbeu i ri”, kanë qenë disa nga fjalët që kanë dalë nga goja e të riut.

Për këtë arsye, avokati tha se nga Prokuroria Themelore në Pejë ka kërkuar që 30-vjeçarit t’i bëhet ekzaminimi psikiatrik.

“Dy herë ka tentuar Prokuroria që ta intervistojë klientin tim, por nuk ka mundur për shkak të gjendjes së tij të rëndë mendore dhe shëndetësore. Për arsye të mungesës së komunikimit të mirëfilltë mes meje dhe të mbrojturit, përveç që më pengon mua të ofroj mbrojtje efektive, në përputhje me Kodin e Etikës dhe në përmbushje të të drejtës fondamentale që e gëzon çdo person i dyshuar për një krim, pavarësisht kësaj unë thellësisht besoj se është shumë e nevojshme që t’i bëhet një ekzaminim psikiatrik”, ka thënë ai për mediat vendase.

Gjykata e Pejës e la në burg Hysenin. Hyseni vrau në mënyrë makabër nënën e tij Hyrije Hyseni. Ngjarja ndodhi dy ditë më parë. I riu i preu kokën nënës së tij dhe më pas i piu gjakun. Shkak i konfliktit është bërë mosmarrëveshja që djali kishte me nënën e tij prej disa kohësh, të cilën e akuzonte se ishtë shkaktarja e ndarjes së tij nga bashkëshortja.

urim hyseni hyrije hyseni djali vret nenen ne peje

Sondazh

Poll

MË SHUMË