Aktualitet

Pasojat e diskriminimit të romëve, shumica braktisin shkollën e lypin për familjen, prindërit: Nuk dinë as të shkruajnë

Mungesa e zërit të një përfaqësuesi në këshillin bashkiak bën të pamundur shfaqjen e problemeve të këtij komuniteti.

16 Prill 2023, 16:12 Nga F.M
Pasojat e diskriminimit të romëve, shumica braktisin shkollën e
Elbasan

ELBASAN- Vetëm në qytetin e Elbasanit janë 1430 nxënës të komunitetit rom dhe egjiptian që shkojnë në shkollë. Euronews shkruan se ata vuajnë paragjykimet dhe qëndrimet diskriminuese të fshehura, gjë që pengon përpjekjet për frekuentimin e shkollës prej tyre. Sipas të njëjtave raportime, Elbasani ka në total mbi 1200 familje të komunitetit rom, të cilët nuk i çojnë fëmijët në shkollë, duke krijuar kështu një brez të paarsimuar dhe të paformuar për tregun e punës. Gjithashtu, ndikon në mungesën e tyre të integrimit të shoqëri.

Sipas drejtorit të organizatës “Lëvizja rinore egjiptiane dhe rome”, Ervis Çota mungesa e zërit të një përfaqësuesi në këshillin bashkiak bën të pamundur shfaqjen e problemeve të këtij komuniteti.

“Nëse nuk do te kemi një përfaqësues të komunitetit rom dhe egjiptian të jetë pjesë e këshillit bashkiak për të ngritur shqetësimet e komunitetit, sigurisht gjasat që mundësia që të thithë apo të nxisë bashkinë për të investuar janë shumë të pakta,”- thotë Ervis Çota, Lëvizja Rinore Egjiptiane dhe Rome në Elbasan.

Vetë anëtarët e këtij komuniteti tregojnë se fëmijët e tyre kanë braktisur shkollën dhe lypin për shkak të paragjykimeve dhe pamundësisë ekonomike.

“Kam tre çuna, i kam pa shkollë, nuk dinë të shkruajnë shqip fare. Kurse kam një nip, ai shkon në shkollë,”- thotë një qytetar.

“Unë kam çunin në klasë të 7-të, e la ai. E la sepse nuk i kemi ato kushte që të shkojmë në shkollë, ai do të hajë, të vishet,”- shprehet një tjetër.

romet ne elbasan

Sondazh

Poll

MË SHUMË