Bota

Hulumtimi i 'Reuters' për eksportet e armëve nga Serbia në Kiev/ Vuçiç: Nuk ka dhe nuk do të dërgojmë armë në atë vend

Ai tha se Serbia nuk dhe nuk do të eksportojë armë në atë vend, duke i quajtur absurde gënjeshtrat e publikuara që sipas tij synojnë të shkatërrojnë pozitën e vendit. 

13 Prill 2023, 16:44 Nga a.l
Hulumtimi i 'Reuters' për eksportet e armëve nga Serbia
Aleksandër Vuçiç

SERBI- Presidenti serb Aleksandër Vuçiç, ka reaguar nga takimi në Rashkë me përfaqësuesit politikë të serbëve në Kosovë, lidhur me raportimet e publikuara një ditë më parë nga 'Reuters' sipas së cilës pretendohej se Serbia ka pranuar të eksportojë armë në Ukrainë, bazuar mbi dokumentet që kanë rrjedhur nga Pentagoni. Ai tha se Serbia nuk dhe nuk do të eksportojë armë në atë vend, duke i quajtur absurde gënjeshtrat e publikuara që sipas tij synojnë të shkatërrojnë pozitën e vendit, shkruan ALO.rs.

"Serbia nuk ka dhe nuk do të eksportojë armë në Ukrainë. Këtu flasin edhe për municion, jo për armë. Ajo nuk ka dhe nuk do të eksportojë municion në Ukrainë. Ne shesim armë, por jo Rusisë dhe Ukrainës. Kur i shet diçka Spanjës, është e qartë se ku do të përfundojë. Ne nuk i shesim Rusisë, as nuk do t'i shesim. Kjo qasje e mjerë, djallëzore e disa politikanëve është aq patetike sa synon të shkatërrojë pozitën e vendit. Ata që janë për Ukrainën dhe Perëndimin thonë të prishim marrëdhëniet me Rusinë. Ata që thonë se amerikanët gënjejnë, befas u besojnë amerikanëve. Dhe të gjithë e dinë. Cila është gjëja tjetër? A duhet të mbyllim fabrikat që budallenjtë të mos kërkojnë një raketë këtu dhe një granatë atje? A nuk duhet të eksportojmë asgjë? Le të dështojnë fabrikat tona? A doni të shkoni në Uzhice, Çaçak... t'u shpjegoni njerëzve pse nuk kanë rroga? Injorantë të ndryshëm do më bëjnë predikime morale dhe politike... ne do të vazhdojmë të investojmë në prodhimin tonë. Dëmtoni vendin e tyre, këto janë bërë meze naive të atyre që nuk kuptojnë sport", tha ia. 

Presidenti serb Aleksandër Vuçiç ka zhvilluar sot një takim në Rashkë, në jug të Serbisë, me përfaqësuesit politikë të serbëve në Kosovë. Në këtë takim, që ishte i hapur për publikun, morën pjesë edhe kryeministrja serbe, Ana Bërnabiç, dhe ministra të tjerë serbë. Më herët, presidenti serb deklaroi se rezultati i takimit do të jetë një platformë e përbashkët sa i përket zgjedhjeve lokale që do të mbahen më 23 prill në veri të Kosovës, por edhe të ngjarjeve të ardhshme.

aleksander vucic

Sondazh

Poll

MË SHUMË