Bota

Tensionet në Tajvan/ Kremlini: Kina ka të drejtë t'i përgjigjet 'provokimeve'

Pekini kreu të hënën stërvitjet e fundit prej tre ditëve rreth Tajvanit , duke përfshirë ushtrimin e manovrave të bllokadës ajrore dhe detare të ishullit, të cilin Kina e sheh si pjesë të territorit të saj, diçka që qeveria e Tajvanit e kundërshton fuqishëm.

10 Prill 2023, 15:40 Nga a.l
Tensionet në Tajvan/ Kremlini: Kina ka të drejtë t'i
raketa

RUSI- Kremlini tha se Kina kishte çdo të drejtë për t'iu përgjigjur atyre që i quajti provokime të përsëritura kundër saj dhe të kryente stërvitje ushtarake rreth Tajvanit. Në një telefonatë me gazetarët, zëdhënësi i Kremlinit Dmitry Peskov tha se të gjithë duhet të respektojnë Kinën dhe veprimet e saj që ishin në përputhje me ligjin ndërkombëtar.

“Në një periudhë shumë të shkurtër kohe, ju dhe unë kemi qenë dëshmitarë të veprimeve të përsëritura që kanë qenë provokuese ndaj Republikës Popullore të Kinës. Dhe, sigurisht, Kina ka të drejtën sovrane për t'iu përgjigjur këtyre veprimeve provokuese, duke përfshirë kryerjen e manovrave ushtarake në përputhje të rreptë me ligjin ndërkombëtar,” tha Peskov.

Peskov deklaroi gjithashtu se Franca, presidenti i së cilës Emmanuel Macron vizitoi Kinën për bisedime javën e kaluar, nuk mund të ndërmjetësojë një paqe në Ukrainë pasi Parisi është i përfshirë në mënyrë indirekte dhe direkte në këtë konflikt në anën e Ukrainës, shkruajnë mediat e huaja. 

"Prandaj, është ende e vështirë të imagjinohet ndonjë përpjekje ndërmjetësimi këtu", tha ai. 

Pekini kreu të hënën stërvitjet e fundit prej tre ditëve rreth Tajvanit , duke përfshirë ushtrimin e manovrave të bllokadës ajrore dhe detare të ishullit, të cilin Kina e sheh si pjesë të territorit të saj, diçka që qeveria e Tajvanit e kundërshton fuqishëm.

 

tensionet kine-taiwan

Sondazh

Poll

MË SHUMË