Politike

Dikur bëri fushatë për Gjukanoviçin, Rama uron serbisht presidentin e ri të Malit të Zi: Mbështetja që mori iu ktheftë në sa më shumë mbarësi

Edi Rama shkruan se Milatoviç mori mbështetje domethënëse nga qyetarët, për të cilën uroi që të kthehet mbarësi në vendin fqinj. 

7 Prill 2023, 18:02 Nga k.m.
Dikur bëri fushatë për Gjukanoviçin, Rama uron serbisht
Edi Rama

TIRANË- Kryeministri Edi Rama ka uruar presidentin e ri të Malit të Zi, Jakov Milatoviç për fitoren e zgjedhjeve kundër Milo Gjukanoviç. Me anë të një postimi në Twitter, Rama shkruan se Milatoviç mori mbështetje domethënëse nga qyetarët, për të cilën uroi që të kthehet mbarësi në vendin fqinj. 

"Urime Presidentit të sapozgjedhur të Malit të Zi Jakov Milatovic dhe mbështetja domethënëse që ai mori nga zgjedhësit u ktheftë në sa më shumë mbarësi për vendin fqinj, me të cilin na lidh pazgjidhshmërisht e shkuara, e sotmja dhe e ardhmja,"-shkruan Rama. 

Të njëjtën njëjtën gjë e ka komunikuar edhe serbisht: Čestitke novoizabranom predsjedniku Crne Gore @JakovMilatovic, te podrška koju je dobio od glasača neka se što više pretvori u dobrobit susjedne zemlje, sa kojom nas neraskidivo vezuju prošlost, sadašnjost i budućnost

Por në vitin 2020, Kryeministri Edi Rama zuri faqet e para të të gjitha mediave serbe.  Kjo pasi përmes një videoje, ai bëri thirrje për mbështetjen e Milo Gjukanoviç, në gjuhën serbe. Thirrja e tij nuk u prit mirë as nga partitë shqiptare në Mal të Zi dhe as nga kryeministri shqiptar Dritan Abazoviç.

edi rama

Sondazh

Poll

MË SHUMË