Politike

“Transport publik falas”, Mazniku komenton premtimin e Këlliçit: Para fushatës thonë çfarë duan...

Arbjan Mazniku tha se edhe vetë e pranon se transporti publik është një sfidë e madhe për Tiranën.

28 Mars 2023, 20:24 Nga k.m.
“Transport publik falas”, Mazniku komenton premtimin e
Arbjan Mazniku

TIRANË- Nënkryetari i Bashkisë së Tiranës, Arbjan Mazniku komentoi premtimin e kandidatit të opozitës, Belind Këlliçi për transport publik falas në kryeqytet, duke mos e fshehur skepticizmin e tij. Në një intervistë të dhënë për "ABC", Mazniku tha se edhe vetë e pranon se transporti publik është një sfidë e madhe për Tiranën, ndërsa u shpreh se kjo do të zgjidhet përmes krijimit të hapësirave të dedikuara për autobusët.

"Në mënyrë të rregullt në kohë fushatash ne pararendemi me ato momentet populiste, ku njerëzit që janë të qartë se nuk do jenë në detyrë pas zgjedhjeve, mund të flasin çfarë të duan dhe mund të hapin thesin dhe të thonë çfarë të duan. Menaxhimi i qytetit ka nevojë për punë serioze. Transporti publik është një ndër sfidat më të madha që Tirana ka. Ne duam të synojmë një transport publik për çdo njeri, që të lë makinën dhe të kryej punën përmes transportit publik. Objektivi ynë, është të kemi mjete elektrike. Me korsi të dedikuara. Kemi nevojë që të krijojmë kushte komode dhe të shtojmë frekuencën e lëvizshmërisë. Nëse themi se autobusët i bëmë pa lekë, do kemi më shumë trafik. Menaxhimi i qyteteve kërkon seriozitet dhe profesionalizëm. Qyteti është duke u rritur. Në rritemi çdo vit me 20 mijë veta. Ne kemi nevojë të krijojmë një qytet, që të shohë nga e ardhja. Ne synojmë që Tirana të jetë një qytet europian, që të rinjtë ta shohin si destinacion të mundshëm dhe punët që ne duhet të bëjmë duhet të jenë tek ky drejtim,"-u shpreh ai.

Ndërkohë në lidhje me premtimin e tij për transport publik falas, Këlliçi tha se ky është një premtim real dhe se i ka bërë të gjitha llogaritë për këtë, duke dalë në përfundimin se realizimi i këtij premtimi do t’i kushtojë Bashkisë së Tiranës vetëm 6.8% të buxhetit vjetor të Bashkisë.

arbjan mazniku transporti falas ne tirane

Sondazh

Poll

MË SHUMË