Sport

Cikalleshi: “Nuk e kemi luksin të paragjykojmë Poloninë"!

Ne çdo ndeshje që futemi luajmë për fitore, duke parë grupin që kemi, çdo ndeshje ka specifikën e saj, do bëjmë një ndeshje kompakte, do bëjmë kujdes mos pësojmë gol, nuk duam që të pësojmë.

26 Mars 2023, 17:39 Nga DOSJA
Cikalleshi: “Nuk e kemi luksin të paragjykojmë

POLONI – Pak orë më pare kombëtarja shqiptare ka mbërritur në Varshavë të Polonisë ku ditën e hënë do të zhvillojë ndeshjen e pare eliminatore të Euro2024-s ndaj vendasve.

Në konferencën për shtyp përpara stërvitjes së fundit zyrtare sëbashku me trajnerin ishte edhe sulmuesi Sokol Cikalleshi.

“Polonia është një ekip shumë i fortë dhe ne e dimë këtë, edhe pse e humbi ndeshjen me Çekinë, ne jemi fokusuar tek puna jonë. Jemi munduar të krijojmë një ekip kompakt me trajnerin Silvinjo. Polonia vjen pas një performanca të mirë në Botëror, golat e shpejtë që pësuan e çekuilibrin skuadrën. Ata kanë lojtarë të mirë që luajnë në ligat më të forta në Europë.

Nuk duhet të futemi me idenë që ata janë të dobët. Ne çdo ndeshje që futemi luajmë për fitore, duke parë grupin që kemi, çdo ndeshje ka specifikën e saj, do bëjmë një ndeshje kompakte, do bëjmë kujdes mos pësojmë gol, nuk duam që të pësojmë. Nesër sduhet të humbim, ne kemi forcën dhe straegjinë tonë, fusha do e tregojë çfarë kemi punuar.

Është një skemë klasike ku çdo lojtar e ndjen veten komod. Me skemën 3-5-2 nuk kemi arritur aty ku duhet. Ne mund të bëjmë edhe më mirë. Ne jemi një Kombëtare e vogël dhe çdo lojtar është i rëndësishëm. Këta janë lojtarët, nuk fokusohem tek ajo që na mungon por tek ajo që kemi. Jemi një grup që mbështetemi, duke qenë bashkë dhe me harmoni do futemi në fushë dhe të bëjmë më të mirën”, u shpreh Cikalleshi.

B.T (Dosja.al)

Sondazh

Poll

MË SHUMË