Bota

'Kështu kanë vdekur ushtarët e NATO-s në Kosovë'/ Ministri rus i Mbrojtjes: Britania po dërgon municione uraniumi në Ukrainë

Ka pasur pasoja për shëndetin e atyre që e kanë përdorur atë municion. Kishte kushte të rënda mjekësore dhe u studiuan.

22 Mars 2023, 10:31 Nga a.l
'Kështu kanë vdekur ushtarët e NATO-s në
Sergei Shoigu

UKRAINË- Ministri rus i Mbrojtjes, Sergei Shoigu paralajmëroi sot se municionet e uraniumit të varfëruar, të cilat Britania e Madhe planifikon t'i dërgojë në Ukrainë, do të ketë një ndikim serioz në shëndetin e ushtarëve ukrainas që do ta përdorin atë, ndërsa e ka krahasuar rastin në fjalë me atë të ushtarëve të NATO-s në Kosovë. 

Në një intervistë për televizionin Russia-1, ai solli në vëmendje një teori të vjetër që u shfaq pas bombardimeve të RF të Jugosllavisë dhe tha se NATO kishte përdorur municione të tilla gjatë ndërhyrjes së vitit 1999 në Kosovë  në Serbi, dhe se pasojat e përdorimit të tij janë shqyrtuar pjesërisht. Ka pasur pasoja për shëndetin e atyre që e kanë përdorur atë municion. Kishte kushte të rënda mjekësore dhe u studiuan. Megjithatë, ata nuk kanë shqyrtuar se çfarë efekti ka pasur municioni tek ata kundër të cilëve është përdorur, shtoi ministri rus, shkruajnë mediat e huaja.  

Zëvendësministrja britanike e Mbrojtjes Annabelle Goldie tha më parë se, përveç dorëzimit të tankeve të betejës Challenger 2, Britania e Madhe do të furnizojë Kievin me municion, duke përfshirë predha që përmbajnë uranium të varfëruar. Ambasada ruse në Londër paralajmëroi qeverinë britanike që të mos furnizojë Kievin me municion të tillë. Sipas diplomatëve rusë, ky hap është i mbushur me rreziqe për përshkallëzimin e mëtejshëm të konfliktit. Ministri rus i Mbrojtjes Sergei Shoigu paralajmëroi dje se njoftimi i Britanisë së Madhe se do t'i sigurojë Ukrainës municion me uranium të varfëruar do të thotë se ka gjithnjë e më pak hapa të mbetur për një konflikt bërthamor.

lufta ukraine-rusi sergei shoigu

Sondazh

Poll

MË SHUMË