Bota

Miliona peshq të ngordhur në lumin në Australi, autoritetet: Ky është një makth për banorët, po punojmë për t'i hequr sa më shpejt

Autoritetet kanë nisur furnizimin me ujë të pijshëm banorët që furnizoheshin me ujin e lumit. 

20 Mars 2023, 13:18 Nga a.l
Miliona peshq të ngordhur në lumin në Australi, autoritetet: Ky
Miliona peshq të ngordhur në lumin në Australi

AUSTRALI- Autoritetet australiane njoftojnë se kanë punësuar kontraktore për të hequr miliona peshq të kalbur që u raportuan disa ditë më parë një lumë në pjesën e jashtme të Australisë për shkak të temperaturave të larta dhe thatësirës.  Ndihmës Komisioneri i Policisë Brett Greentree tha se mbajtja e pastër e furnizimit me ujë të qytetit ishte prioriteti kryesor dhe heqja e peshqve të ngordhur ishte një nga problemet më serioze. Kontraktorë të trajnuar ishin kontaktuar për heqjen e peshkut me rrjeta, por datat e punës nuk janë caktuar, shkruajnë mediat e huaja. 

“Sigurisht që nuk jam duke bërë premtime se të gjithë milionat e peshqve do të hiqen nga kontraktorët sepse ky është me të vërtetë një makth logjistik. Unë e kuptoj dhe e pranoj erën dhe pamjet në lumë - askush nuk dëshiron ta shohë këtë,” tha Greentree.

Autoritetet po furnizonin me ujë të pijshëm banorët që furnizoheshin me ujin e lumit. Vrasjet masive të peshqve janë raportuar në lumin Darling javët e fundit. Dhjetëra mijëra peshq u gjetën në të njëjtin vend në fund të shkurtit, ndërsa ka pasur raportohet se i njëjti rast është përsëritur edhe në drejtim të Pooncarie, pranë kufijve të Australisë Jugore dhe shteteve Victoria. Greentree tha se numri aktual i ngordhjes së peshqve dukej të ishte shumë më i madh se ngjarjet në 2018 dhe 2019.

ngordhin peshqit ne australi

Sondazh

Poll

MË SHUMË