Bota

Takimi në Ohër, Vuçiç: 12 herë e ndryshuam tekstin, jam në formë perfekte kur takimet zgjasin shumë

Vuçiç tha se ai është më i përqëndruar kur takimi zgjat shumë orë, pasi kështu mund të konsultohet me ekspertët.

19 Mars 2023, 22:22 Nga F.M
Takimi në Ohër, Vuçiç: 12 herë e ndryshuam tekstin,
Aleksandër Vuçiç

SERBI- Presidenti i Serbisë Aleksandër Vuçiç është shprehur se ka qenë mjaft i përqëndruar dhe në në formë gjatë takimit në Ohër, i cili zgjati më shumë se 12 orë. Në një prononcim për mediat serbe, Vuçiç tha se ai është më i përqëndruar kur takimi zgjat shumë orë, pasi kështu mund të konsultohet me ekspertët. Vuçiç u shpreh se tekstin e kanë nderyshuar 12 herë gjatë gjithë mbledhjes.

“12 herë dje e ndryshuam tekstin. Dua t’i falënderoj njerëzit që ishin dje me mua sepse gjithmonë është stresuese, sa herë duhet të analizoni, të konsultoheni me ekspertë duke i pyetur a mundemi për këtë, a guxojmë për këtë dhe presioni sa vjen e shtohet. Për mua është përparesi kur kjo zgjat 12-13 orë sepse jam më i qëndrueshëm se të tjerët, për mua problem është kur zgjat 2 ose 3 orë, kur është 12-13 koncentrimi im është i shkëlqyer, më i mirë se i të tjerëve. Kështu ishte edhe mbrëmë në orët e vona,”- tha Vuçiç.

Kosova dhe Serbia mbyllën me dakordësim mbi aneksin e zbatimit të planit evropian në Ohër, i cili do të jetë i detyrueshëm për tu zbatuar nga të dy dy palët në momentin e publikimit. Përfaqësuesi i Lartë i unionit për Çështjet e Jashtme dhe Politikat e Sigurisë, Josep Borrell, tha se Kurti dhe Vuçiç nuk e kanë firmosur dokumentin.

aleksander vucic dialogu kosove-serbi

Sondazh

Poll

MË SHUMË