Bota

Urdhërarresti ndaj Putinit, Vuçiç paralajmëron: Do ketë pasoja të rënda politike, vërtet mendoni se mundet Rusia?

Vuçiç është shprehur se ky urdhërarrest do të shërbejë vetëm për të zgjatur luftën në Ukrainë.

19 Mars 2023, 22:09 Nga F.M
Urdhërarresti ndaj Putinit, Vuçiç paralajmëron: Do
Aleksandër Vuçiç

SERBI- Presidenti serb Aleksandër Vuçiç thotë se lëshimi i një urdhër-arresti ndërkombëtar për presidentin e Rusisë, Vladimir Putin do të ketë pasoja të rënda politike. Në një koment të bërë për mediat serbe, Vuçiç është shprehur se ky urdhërarrest do të shërbejë vetëm për të zgjatur luftën në Ukrainë.

“Urdhër-arresti do të ketë pasoja të rënda politike dhe tregon se ka një ngurrim të madh për të folur për paqen (dhe) për armëpushimin në Ukrainë. Pyetja ime është tani që e keni akuzuar për krimet më të mëdha të luftës, me kë do të flisni? A mendoni vërtet se është e mundur të mposhtet Rusia në një muaj, tre muaj apo një vit? Nuk ka dyshim se qëllimi kryesor i Gjykatës (IÇ) është të vështirësojë komunikimin me Putinin,”- tha Vuçiç.

Serbia ka mbajtur një marrëdhënie të ngushtë me Rusinë gjatë gjithë konfliktit dhe është i vetmi shtet europian që nuk ka vendosur sanksione ndërkombëtare kundër Moskës. Gjykata Ndërkombëtare Penale (IÇ) ka lëshuar një urdhër arresti për Presidentin rus Vladimir Putin. BE e ka mirëpritur këtë vendim.

aleksander vucic vladimir putin

Sondazh

Poll

MË SHUMË