Sport

Suedia i thotë 'jo' VAR-it: 18 nga 32 klube profesioniste e kundërshtojnë atë...

Shoqata e Tifozëve përshëndet 'fitoren e madhe për futbollin suedez'

19 Mars 2023, 19:19 Nga DOSJA
Suedia i thotë 'jo' VAR-it: 18 nga 32 klube profesioniste e

SUEDI - Vendi nordik i Suedisë e kundërshton përdorimin e VAR-it, ndryshe me atë që po ndodh në pjesën tjetër të Evropës. Nuk është ende përfundimtare, sepse mbledhja që ratifikon një vendim të këtyre përmasave ndodh vetëm një herë dhe tjetra do të jetë në nëntor.

Megjithatë, një raport i ‘Fotbollskanalen’ thotë se 18 nga 32 klube profesioniste janë kundër adoptimit të video-arbitrit në ndeshjet në krye të futbollit suedez. Midis tyre janë klube të forta si Malmö FF dhe IFK Gothenburg, të cilëve u janë bashkuar AIK, Degerfors, Djurgarden, Hammarby, Elfsborg, IFK Norrköping, IK Sirius, Mjällby AIF, Gais, Gefle, Gif Sundsvall, Helsingborgs IF, Jöreabrois, Jödrank, SK dhe Örgryte.

Zëdhënësi i Shoqatës së Tifozëve të Suedisë, shprehu gëzimin e tij për këtë mënyrë të menduari, duke filluar duke thënë se vendimi është "një shembull ndërkombëtar".

"Kjo mund të mos jetë fitorja përfundimtare, pasi lufta me siguri do të rikthehet. Por këtu dhe tani ne e shohim këtë si një fitore të madhe për futbollin suedez. Ne tani dallojmë në futbollin evropian dhe besojmë se klub pas klubi në Suedi do të mendojë më mirë.

Tani kur bëhet fjalë për rezistencën ndaj VAR-it, sot ndjejmë një gëzim të madh",- theksoi John Petterson, duke uruar që vullneti i shumicës të respektohet nga federata, shoqatat dhe organizatat e tjera. 

"Vendimi i VAR-it prek vetëm elitën dhe elita është kundër tij. Nuk kam parë asnjë federatë që të ketë pasur ndonjë propozim në lidhje me punën për futjen e VAR,"- shtoi ai.

B.T (Dosja.al)

Sondazh

Poll

MË SHUMË