Bota

'Qëllimi strategjik është BE-ja'/ Kovaçevski: Presim rezultate në dialogun Kosovë-Serbi

Sipas kreut të qeverisë maqedonase, qëllimi strategjik është BE-ja.

18 Mars 2023, 12:54 Nga a.l
'Qëllimi strategjik është BE-ja'/ Kovaçevski:
Dimitar Kovaçevski

MAQEDONI E VERIUT- Kryeministri i Maqedonisë së Veriut, Dimitar Kovaçevski ka dhënë një deklaratë për mediat e pranishme në Ohër ku deklaroi se sot është momenti që të përshpejtohet rruga evropiane për të gjithë. I pranishëm në mirëpritjen e zyrtarëve të lartë të BE-së, Kosovës e Serbisë, Kovaçevski tha se Ohri nuk është zgjedhur rastësisht.

“Kjo është bërë për  shkak të marrëveshjes së Ohrit, Prespes dhe marrëveshjes për fqinjësi të mirë me Bullgarinë. Ka zhvilluar takime bilaterale me Kurtin dhe Vuçiçin. Atyre u shpreha pritshmeritë për  rezultate pozitive në  kuader të dialogut Kosovë-Serbi”, tha ai. 

Sipas kreut të qeverisë maqedonase, qëllimi strategjik është BE-ja.

“Yni si Maqedoni e Veriut, por edhe i shtetëve fqinje. Ne jemi politikanë që ndërmarrim veprime të vështira. Por këto vendime të vështira janë në të mirë të gjeneratave të ardhshme”, tha ai. 

Në takimin e sotëm do të diksutohet aneksi i zbatimit të Propozimit evropian për normalizimin e raporteve, propozim për të cilin Kurti dhe Vuçiç u dakordësuan parimisht në takimin e 27 shkurtit në Bruksel. Disa ditë para këtij takimi në Ohër, i dërguari i Shteteve të Bashkuara të Amerikës, Gabriel Escobar dhe i dërguari i BE-së, Miroslav Lajçak ishin për vizitë në Kosovë dhe Serbi. Të dy emisarët kanë shfaqur shpresën se takimi i 18 marsit në Ohër do të jetë konstruktiv, ndërkaq e kanë vlerësuar si shumë të rëndësishëm për dy vendet dhe rajonin në përgjithësi.

dimitar kovaçevski

Sondazh

Poll

MË SHUMË