Bota

Nis takimi i Vuçiç me zyrtarët e BE-së Borrel dhe Maljçak, në Ohër

Pas orës 12:15 pritet takimi trepalësh i Kurtit, Vuçiçit dhe përfaqësuesve evropianë.

18 Mars 2023, 11:44 Nga a.l
Nis takimi i Vuçiç me zyrtarët e BE-së Borrel dhe
Aleksandër Vuçiç dhe Josep Borrell

KOSOVË- Presidenti i Serbisë ka takuar në Ohër shefin e diplomacisë evropiane, Josep Borell dhe të dërguarin special të BE-së për dialog, Miroslav Lajçak. Takimi dypalësh po mbahet në vilën “Biljana”, ndërsa më pas Borell dhe Lajçak do të takohen edhe me kryeministrin e Kosovës, Albin Kurtin. Pas orës 12:15 pritet takimi trepalësh i Kurtit, Vuçiçit dhe përfaqësuesve evropianë.

Në takimin e sotëm do të diksutohet aneksi i zbatimit të Propozimit evropian për normalizimin e raporteve, propozim për të cilin  Kurti dhe Vuçiç u dakordësuan parimisht në takimin e 27 shkurtit në Bruksel. Disa ditë para këtij takimi në Ohër, i dërguari i Shteteve të Bashkuara të Amerikës, Gabriel Escobar dhe i dërguari i BE-së, Miroslav Lajçak ishin për vizitë në Kosovë dhe Serbi. Të dy emisarët kanë shfaqur shpresën se takimi i 18 marsit në Ohër do të jetë konstruktiv, ndërkaq e kanë vlerësuar si shumë të rëndësishëm për dy vendet dhe rajonin në përgjithësi.

dialogu kosove-serbi

Sondazh

Poll

MË SHUMË