Sport

Egnatia, sukses spektakolar! Tre ‘shpulla’ në Laçit në shtëpi dhe rrëmben biletën për në gjysmëfinale të Kupës… (video)

Rrogozhinasit për herë të parë në gjysmëfinale të Kupës së Shqipërisë. Pas barazimit 0-0 në Rrogozhinë, fitojnë 3-0 ndaj Laçit në Kurbin dhe kualifikohen midis katër më të mirëve të Kupës së Shqipërisë

15 Mars 2023, 16:40 Nga DOSJA

Egnatia, sukses spektakolar! Tre ‘shpulla’ në Laçit

KURBIN - Duket si befasi, por ka ndodhur. Egnatia ka arritur të kualifikohet në gjysmëfinale të Kupës së 71-të të Shqipërisë, teksa ka fituar në transfertë me rezultatin e pastër 3-0 ndaj skuadrës kurbinase të Laçit.

Rrogozhinasit e drejtuar nga Edlir Tetova, bënë një performancë të shkëlqyer duke mos e diskutuar në asnjë moment fitoren, edhe pse takimi i parë në ‘Egnatia Arena’ kishte përfunduar me shifrat 0-0.

Jackson (20’), Redi Kasa (54’) dhe Fernandos Mederios (66’) janë autorët e golave të fitores së Egnatias, e cila me kualifikimin e merituar në gjysmëfinalet e Kupës së Shqipërisë, arrin edhe një sukses të konsiderueshëm në historinë e klubit rrogozhinas. Shikojini golat...

20′- Egnatia në avantazh. Gjuan Jackson, topi devijohet nga Velkoski dhe përfundon në rrjetë.


54′- Redi Kasa gjuan me të majtën dhe Egnatia realizon golin e dytë.


66′- Egnatia hipotekon fitoren 3-0. Goditje mjeshtërore e Fernandos dhe topi ndalet në rrjetë.


B.T (Dosja.al)

Sondazh

Poll

MË SHUMË