Sport

"Super-talenti im është të shënoj gola": Haaland, i lindur për të vendosur rekorde...

Falë pesë golave të tij të martën kundër Leipzigut, 22-vjeçari norvegjez i Manchester City është vendosur edhe në elitën e golashënuesve më të mirë në histori.

15 Mars 2023, 12:41 Nga DOSJA

"Super-talenti im është të shënoj gola": Haaland,

ANGLI - Një fitore 7-0 ndaj RB Leipzig mbrëmjen e së martës, pesë gola të tjerë... për Erling Haaland, që është ngjitur edhe disa hapa drejt panteonit të golashënuesve më të mirë në histori.

Ky rikthim historik i 16-të, në të cilin norvegjezi, u zëvendësuar në minutën e 63-të, ishte skena e një sërë rekordesh personale të shënuara nga Haaland.

10 - Natyrisht, Haaland, me 10 gola, merr komandën në listën e golashënuesve për edicionin 2022-2023, përpara Mohamed Salah (8) dhe Kylian Mbappé (7).

30 - Në moshën 22 vjeç e 236 ditë, gjiganti i Cityt kaloi (2-0) ‘piketën’ e 30 golave ​​në Champions League për ndeshjen e tij të 25-të... Askush nuk ka bërë më mirë se ai në moshën e tij dhe në kaq pak paraqitje. Meqë ra fjala, biondi përmirësoi edhe rekordin e Kylian Mbappe-së për lojtarin më të ri që ka arritur pragun e 30 arritjeve në C1.

33 - Me 33 gola në kompeticion, Haaland tashmë tejkalon totalin e lojtarëve si Arjen Robben (31), Wayne Rooney (30), Samuel Eto'o (30) ose Kaka (30).

"Super-talenti im është të shënoj gola": Haaland,

35 - Pas pushimit, Haaland shënoi dy herë të tjera, duke plotësuar një pesë-golësh të rrallë në këtë nivel. Dhe më i shpejti në histori, në vetëm 35 minuta mes golit të parë dhe të 5-të... Haaland barazohet me Luiz Adriano dhe Lionel Messi, dy golashënuesit e vetëm që kanë shënuar pesë herë në një ndeshje C1. Në vitin 2012, Lionel Messi nënshkroi një pesëshe me Barcelonën kundër Bayer Leverkusenit (7-1, në 84 minuta). Në vitin 2014, braziliani i Shakhtar Donetsk e arriti këtë kundër Bate Borisov (7-0, në 54 minuta).

39 - “Golashënuesi i lindur natyral” ka gjithashtu 39 gola në 36 ndeshje me Cityn, në të gjitha garat. Ai është tashmë golashënuesi më pjellor në një sezon në historinë e klubit, duke thyer një rekord që daton në 1928-1929 nga një Tommy Johnson.

B.T (Dosja.al)

Sondazh

Poll

MË SHUMË