Bota

Kolaps në Paris pas protestave masive/ Rrugët e qytetit mbulohen nga plehrat, rrezikon të 'pushtohet' nga minjtë

Bashkë me qytetarët në grevë kanë dalë edhe mbledhësit e mbeturinave dhe pastruesit, duke shkaktuar kështu një kolaps në qytetin e dashur nga tursitët.

14 Mars 2023, 15:56 Nga a.l
Kolaps në Paris pas protestave masive/ Rrugët e qytetit mbulohen nga
Parisi me mbeturina

FRANCË- Rrugët e kryeqytetit Francez janë mbuluar nga mbeturinat dhe koshat e tejmbushur me plehëra, pas protestave masive të organizuara në vend prej më shumë se 3 javësh kundër reformës së propozuar nga qeveria për ndryshimin e moshës për daljen në pension. Bashkë me qytetarët në grevë kanë dalë edhe mbledhësit e mbeturinave dhe pastruesit, duke shkaktuar kështu një kolaps në qytetin e dashur nga tursitët. 

Qeset e plehrave janë grumbulluar në trotuaret e Parisit gjatë fundjavës, veçanërisht në zonat me shumë restorante duke formuar grumbuj të mëdha mbeturinash. Siç raportojnë mediat e huaja, kjo ka ndodhur për shkak se mbledhësit e plehrave të qytetit kanë qenë në grevë që nga 6 marsi në shenjë proteste.

"Është e keqe, nuk është e bukur dhe ka erë," tha Mathilde Boyer, 23 vjeç, e cila jeton në lagjen jugore 15.

"Kjo tregon se ka pak duar kudo në Paris dhe se puna e tyre - dhe e drejta për një jetë dhe pension të denjë duhet të respektohet", tha ajo, duke iu drejtuar punonjësve që merren me pastrimin e rrugëve dhe mbeturinat në Paris. 

Por njerëzit nuk shqetësohen vetëm për disa thasë plehrash – çështja e vërtetë është se Parisi, si shumica e qyteteve të mëdha mund të 'infektohet' nga minjtë.  Për çdo person që jeton në Paris, ka 1.5 deri në 1.75 minj, duke e bërë Qytetin e Dritave të jetë një nga qytetet më të infektuara në botë dhe duke bërë që Akademia Kombëtare Franceze e Mjekësisë të lëshojë një paralajmërim për kërcënimin e jetës së njerëzve. 

proteste ne france

Sondazh

Poll

MË SHUMË