Sport

Tiger Woods shpik mënyrën e re për të lënë gruan, e dërgon me pushime dhe i mbyll derën. Ish-bashkëshortja i kërkon 30 mln. dollarë dëmshpërblim!

"Erika la gjithçka për të qenë me Tigerin. Ajo i mbante dorën në momentet më të vështira, ishte një mbështetje e madhe për të. I dha gjithçka", ka treguar për mediat amerikane një burim i afërt me Herman.

11 Mars 2023, 10:34 Nga DOSJA
Tiger Woods shpik mënyrën e re për të lënë gruan,

SHBA - Ish-e dashura e lojtarit të njohur të golfit Tiger Woods, Erika Herman, ka paditur sportistin e njohur dhe kërkon dëmshpërblim prej 30 milionë dollarësh, sepse e ka nxjerrë nga shtëpia. Erika pretendon se ajo ishte viktimë e një komploti të urryer.

Ajo ishte në një lidhje serioze me Woods që nga viti 2017, ishte gjithashtu me të kur ai pati një aksident të tmerrshëm trafiku në vitin 2021, në të cilin ai me vështirësi mbijetoi. Megjithatë, pas gjithçkaje që kishin kaluar së bashku, Tiger vendosi ta linte atë dhe e bëri atë në një mënyrë mjaft të shëmtuar, nëse duhen besuar fjalët e saj.

E dërgoi me pushime dhe kur u kthye nuk mundi të hynte në shtëpinë ku jetonin bashkë. "Erika la gjithçka për të qenë me Tigerin. Ajo i mbante dorën në momentet më të vështira, ishte një mbështetje e madhe për të. I dha gjithçka", ka treguar për mediat amerikane një burim i afërt me Herman.

Woods dhe Erika nuk ishin të martuar dhe 38-vjeçarja nënshkroi një kontratë me lojtarin e njohur të golfit në vitin 2017 që ajo nuk mund ta padiste pas një ndarje të mundshme.

Ajo tani ka punësuar avokatë dhe dëshiron të përpiqet ta anulojë atë kontratë, pasi beson se meriton kompensim për poshtërimin që pësoi.

Ajo kërkon që lojtari i golfit t'i paguajë 30 milionë euro për gjithçka që ka bërë për të derisa ishin në një lidhje.

B.T (Dosja.al)

Sondazh

Poll

MË SHUMË