Sport

Ancelotti me dhimbje koke, Benzema ka dëmtuar kaviljen para përballjes me Liverpool, nuk do të jetë ndaj Espanyol…

“Topi i Artë” i vitit 2022 vuan nga një problem në kyçin e këmbës dhe është i dyshimtë për ndeshjen e së shtunës në La Liga kundër Espanyol. E pasigurt është edhe pjesëmarrja e tij në ndeshjen e kthimit të Champions League kundër Liverpoolit.

10 Mars 2023, 07:46 Nga DOSJA
Ancelotti me dhimbje koke, Benzema ka dëmtuar kaviljen para përballjes

SPANJE - Sulmuesi i Real Madridit, Karim Benzema nuk u stërvit të enjten më 9 mars për shkak të një problemi në kyçin e këmbës, duke e vënë në dyshim ndeshjen e së shtunës në La Liga kundër Espanyolit, sipas mediave spanjolle. 

Pjesëmarrja e tij në takim është e kushtëzuar me praninë në stërvitje të premten, ndërkohë që 35-vjeçari i “Topit të Artë” nuk mundi të merrte pjesë në asnjë seancë kolektive këtë javë. Në një njoftim për shtyp, Reali saktëson se lojtari është kënaqur të enjten me një punë specifike në dhomë.

Megjithatë mediat spanjolle sigurojnë që pjesëmarrja e Benzemas në raundin eliminator të Champions League kundër Liverpool katër ditë më vonë, të mos vihet në dyshim (në ndeshjen e parë, në Angli, madrilenët fituan 5-2). 

Sulmuesi ka pasur disa probleme fizike këtë sezon, e në veçanti ka hequr dorë nga Kupa e Botës në Katar me Francën. Pas 24 javëve, Real Madrid aktualisht ndodhet në vendin e dytë në renditje, nëntë pikë prapa liderit Barcelona.

B.T (Dosja.al)

 

Sondazh

Poll

MË SHUMË