Politike

SPAK dhe BKH kontrolle te Ahmetaj, çfarë tha Rama sot, sinjali: Nëse do isha gjykatës, gjërat do ishin më keq

Ishte e gjitha një rastësi që po sot, brenda pak orësh, ia kontrolloi banesën SPAK dhe BKH, apo kishte lidhje direkte me mesazhin që sot lëshoi Rama?

9 Mars 2023, 20:26 Nga k.m.
SPAK dhe BKH kontrolle te Ahmetaj, çfarë tha Rama sot, sinjali:
Arben Ahmetaj dhe Edi Rama

TIRANË- Agjentët e Byrosë Kombëtare të Hetimit dhe prokurorët e Strukturës së Posaçme kundër Korrupsionit dhe Krimit të Organizuar kanë "vendosur shiritin" në banesat e ish-zv.kryeministrit të vendit, Arben Ahmetajt.

Deri më tani është raportuar se në afro dy orë kontrolle janë sekuestruar 30 mijë euro dhe dokumentacione të shumta, por nuk ka ende një vendim zyrtar nga Prokuroria e Posaçme Kundër Korrupsionit dhe Krimit të Organizuar (SPAK) se çfarë do të ndodhë me fatin e Ahmetajt. 

Kjo ngjarja vjen pas një deklarate që ka bërë kryeministri Edi Rama paraditen e sotme, ku edhe dha një "sinjal". 

"Nëse unë do të kisha bërë rolin e gjykatësit, gjërat do të kishin qenë shumë më keq për ata që duan që unë të bëj rolin e gjykatësit,"-këtë fjali tha kryeministri Edi Rama sot në mëngjes, duke iu përgjigjur Ahmetajt pasi ky i fundit, i ftuar në "Opinion", i kërkoi që të sillej si një kryeministër e jo gjyqtar. 

"Unë Edi Ramës nuk i kam kërkuar ndonjëherë ndihmë, por po i jap një sugjerim. Nuk do të doja të isha në pozicionin e kryeministrit, të bëhesha gjykatës,"- thoshte Ahmetaj në "Opinion".

Por, çfarë do të ndodhte nëse Rama do të ishte gjykatës?

arben ahmetaj edi rama

Sondazh

Poll