Bota

Përmbysen teoritë e shkencëtarëve për universin, teleskopi hapësinor 'James Webb' zbulon 6 galaktika 13.5 miliardë vjet të vjetra

Këto galaktika dukej se ishin afërsisht 13.5 miliardë vjet të vjetra, duke i vendosur ato rreth 500-700 milion vjet pas shpërthimit të madh.

22 Shkurt 2023, 21:25 Nga a.l
Përmbysen teoritë e shkencëtarëve për universin,
James Webb

SHBA- Teleskopi hapësinor James Webb ka zbuluar gjashtë galaktika masive të lashta, të cilat astronomët po i quajnë ndërprerës të universit, sepse ekzistenca e tyre mund të përmbysë teoritë aktuale të kozmologjisë.

Objektet datojnë në një kohë kur universi ishte vetëm 3% e moshës së tij aktuale dhe janë shumë më të mëdha se sa supozohej e mundur për galaktikat kaq herët pas Big Bengut. Nëse konfirmohen, gjetjet do të vënë në pikëpyetje teoriteë e shkencëtarëve se si u formuan galaktikat më të hershme.

"Këto objekte janë shumë më masive nga sa pritej kushdo. Ne prisnim të gjenim vetëm galaktika të vogla, të reja, foshnja në këtë moment në kohë, por ne kemi zbuluar galaktika po aq të pjekura sa galaktikat tona në atë që më parë mendohej se ishte agimi i universit", tha Joel Leja, një asistent profesor i astronomisë dhe astrofizikës në Penn State University dhe një bashkëautor i studimit.

Vëzhgimet vijnë nga grupi i parë i të dhënave të lëshuar nga teleskopi hapësinor James Webb i NASA-s , i cili është i pajisur me instrumente me sensorë infra të kuqe të aftë për të zbuluar dritën e emetuar nga yjet dhe galaktikat më të lashta. Ndërsa analizonte imazhet, Dr Erica Nelson, nga Universiteti i Kolorados Boulder, dhe një bashkëautor, vunë re një seri "pikash të paqarta" që dukeshin jashtëzakonisht të ndritshme dhe jashtëzakonisht të kuqe.

Përmbysen teoritë e shkencëtarëve për universin,
6 galaktikat

Këto galaktika dukej se ishin afërsisht 13.5 miliardë vjet të vjetra, duke i vendosur ato rreth 500-700 milion vjet pas shpërthimit të madh. Vitin e kaluar, shkencëtarët vunë re katër galaktika që datojnë rreth 350 milion vjet pas shpërthimit të madh, por këto ishin shumë më të vogla. Llogaritjet tregojnë se galaktikat e fundit strehonin dhjetëra deri në qindra miliarda yje me një masë të madhe sa dielli, duke i vendosur ato në të njëjtin nivel me Rrugën e Qumështit.

"Këto galaktika nuk duhet të kishin pasur kohë për t'u formuar", tha Nelson. 

Shpjegimi i ekzistencës së galaktikave kaq masive do t'u kërkonte shkencëtarëve të rishikonin ose disa rregulla bazë të kozmologjisë ose të kuptuarit se si galaktikat e para u mbollën nga retë e vogla yjesh dhe pluhuri.

james webb

Sondazh

Poll

MË SHUMË