Bota

Vogëlushja vishet si njëbrirësh, Eva Kaili feston nga burgu ditëlindjen e vajzës së saj

Përpos përpjekjeve për t'u liruar nga burgu me pretendimin se duhet të kujdeset për vogëlushen e saj, Gjykata ka vendosur ta lërë në qeli eurodeputeten greke. 

22 Shkurt 2023, 21:15 Nga a.l
Vogëlushja vishet si njëbrirësh, Eva Kaili feston nga burgu
Eva Kaili

GREQI- Eurodeputetja e përfshirë në skandalin e 'Katargate', Eva Kaili ka parë vajzën e saj në burgun e Harenit ku psikologët kishin përgatitur një festë maskaradë për fëmijët e të burgosurve. Vajza e Eva Kailit dhe Francesco Giorgi sipas Star ishte veshur si njëbrirësh. Përpos përpjekjeve për t'u liruar nga burgu me pretendimin se duhet të kujdeset për vogëlushen e saj, Gjykata ka vendosur ta lërë në qeli eurodeputeten greke. 

Në të njëjtën kohë, mediat e huaja kanë bërë një zbulim të ri për Kailin dhe përfshirjen e saj në Katar-Gate duke përmendur urdhrin e arrestit të lëshuar ndaj saj dhe në të cilin thuhet se disa milionë euro iu dorëzuan të dyshuarve kryesorë të skandalit.

“Shumat e konsiderueshme parash janë paguar fshehurazi me para në dorë nga Maroku dhe Katari”, thuhet sipas Politico, në urdhër-arrestin për Eva Kailin, në shtëpinë e së cilës u gjetën para në një valixhe, ndërsa edhe babait të saj iu gjetën para biznesi 9 dhjetor.

Urdhri përshkruan gjithashtu një rrjet me bazë në Bruksel që vepronte që nga viti 2021 në emër të ministrit të Punës të Katarit, Ali bin Samih Al Marri. Gjithashtu theksohet se Katari po i “drejtonte” punët e tij përmes ish-deputetit dhe gjoja “trurit” të Katargate, Antonio Panzeri.

Ndërsa për partnerin e Eva Cailit, Francesco Giorgi, pretendohet se ai ishte lidhja e ndërmjetme mes Pancherit dhe Cailit. Nga hetimet rezultoi se urdhrat i kishte dhënë Pancheri për bashkëshortin e të akuzuarës.

eva kaili

Sondazh

Poll

MË SHUMË