Politike

'Nuk doni të flisni për Ramën'/ Komisioni i Etikës, Salianji: Aman më përjashtoni

Gjatë fjalës së tij, Salianji u shpreh se Kuvendi ka vendosur të mos diskutojë skandalin në të cilin është përfshirë Rama.

8 Shkurt 2023, 13:19 Nga A.B
'Nuk doni të flisni për Ramën'/ Komisioni i
Ervin Salianji

TIRANË- Deputeti i Partisë Demokratike, Ervin Salianji u shpreh në Komisionin e Etikës se përjashtimin e deputetëve të PD-së po e kërkojnë deputetë të PS që nuk flasin kurrë në Kuvend. Gjatë fjalës së tij, ai u shpreh se Kuvendi ka vendosur të mos diskutojë skandalin në të cilin është përfshirë Rama. Me ironi, në fund Salianji tha se do ishte më mirë nëse do përjashtohej. 

'Ça të keni në dorë bëni. Po vendosni 7 deputetë që nuk flasin kurrë, që të pengojnë disa. Ata që nuk flasin ndonjëherë kërkojnë që të përjashtohen këta që flasin. Ai ka përdurur të gjithë pushtetin e tij, bindjen për të minuar demokracinë. Ja kjo kërkesa, ky që nuk flet kurrë, është i pari që kërkon të përjashtohen deputetët e opozitës. Nuk doni të flisni për Ramën.  Arsyeja se përse ju kërkoni që të përjashtohem, është që të jetë sa më qetë kur të vijë Rama. Këta që nuk flasin dot e që nuk arsyetojnë, kanë thënë se ç'kemi bërë ne? Unë dua që të më përjashtoni, aman më përjashtoni, mos merrni asnjë vendim tjetër. '-tha Salianji.

Seanca e sotme nisi për shqyrtimin e kërkesës së PS për të përjashtuar për 10 ditë nga Kuvendi 8 deputetë të opozitës të cilët seancën e kaluar bllokuan foltoren. Përjashtim është kërkuar për; Luçiano Boçin, Albana Vokshin, Ervin Salianji, Ina Zhupën, Luan Baçin, Tritan Shehun, Gazmend Bardhi dhe Bledion Nallbati.

ervin salianji komisioni i etikes

Sondazh

Poll

MË SHUMË