Aktualitet

“Kjo rrugë do të bëhet me lapidarë para se të ndërtohet”/ Banorët e Bërxullës: Vetëm të vdekur i marrin pronat tona

Një nga banorët paralajmëroi se pronat e tyre “do t’i marrin vetëm të vdekur”, ndërsa shtoi se ajo rrugë do të bëhet “me lapidarë para se të ndërtohet”.

5 Shkurt 2023, 11:34 Nga A.B
“Kjo rrugë do të bëhet me lapidarë para se të
Protesta

TIRANË- Banorët e Bërxullës kanë dalë në protestë pasi kërkojnë që qeveria të plotësojnë kërkesat e tyre dhë më pas të vijojnë me ndërtimin e aksit rrugor Thumanë-Kashar. Një nga banorët paralajmëroi se pronat e tyre “do t’i marrin vetëm të vdekur”, ndërsa shtoi se ajo rrugë do të bëhet “me lapidarë para se të ndërtohet”.

“Kërkesat tona janë të panegociueshme, përmes pronave tona do të shkojnë në aeroport. Në shenjë proteste tubimi jonë është paqësor për të sensibilizuar pushtetarët sepse si e shihni dhe se ka ndodh një problem me atë agjentin e FBI dhe bllokohet parlamenti duke u marrë me atë dhe duhet ta gjejmë ne të drejtën a u lidh me rusët apo jo parlamenti jonë është për të zgjidhur hallet tona këtu jo me zgjidhë hallet e Amerikës. Edi Rama po pat bo gjë të shkojë si i pandehur se kolltukun se kanë prone të vetëm po këtu shkelet ligji ditën me diell ne po na shkelen të drejtat në mënyrë brutale dhe nuk merret askush. Halli jonë është ky dhe na duhet zgjidhe se janë 97 familjarë pushtetarët bëhen sikur nuk shohin ku ta kërkojë zgjidhjen ne. Beteja jonë mos t’ju duket çudi se vetëm të vdekur pronat tona nuk kanë shans ti marrin pa ra në marrëveshje me ne kjo rrugë do të bëhet lapidar para me me u ndërtu si në rastin e Kalasë së Shkodrës sepse janë kushte bazë nuk po kërkojnë salltanet. Nuk kanë nxjerrë akoma një vendim për vlerën e pronës se vetë i ndërtojnë pallatet ato dhe i dinë mirë çmimet dhe në mes të dimrit thonë dil përjashta ti po ku është ministria e Financave ca bëjnë këto ja kërkesat tona jemi njerëz me këmbë në tokë dhe logjikë. Të lëmë fshatin e të ikim të gjithë prandaj bëj thirrje sa më shpejt se thone projekti është madhor po për ata që do ta shfrytëzojnë”, tha banori.

Kjo nuk është protesta e parë që ndodh nga banorët e kësaj zonë lidhur me këtë shqetësim, pasi mësohet se ata nuk janë dakord me skemën e shpronësimit të pronave të tyre që preken nga projekti i rrugës. Sipas tyre çmimi i tregut për pronat e tyre është rreth 50 euro për metër katror, ndërsa atyre u është ofruar një kompensim me rreth 4 euro për metër katror, gjë që ata e kanë refuzuar kategorikisht.

protesta e banoreve te berxulles

Sondazh

Poll

MË SHUMË