Aktualitet

5 shokë bllokohen në Razëm, njëri shfaq probleme shëndetësore, terreni i thyer vështirëson mbërritjen e ambulancës

Njëri nga djemtë nuk është ndjerë mirë në një largësi të madhe nga vendi ku kishin lënë automjetet e tyre. Miqtë kërkuan ndihmë për shokun i cili u sëmur.

1 Shkurt 2023, 17:59 Nga A.B

5 shokë bllokohen në Razëm, njëri shfaq probleme

SHKODËR- Udhëtimi me shoqërinë nuk shkoi siç ishte planifikuar. Një grup prej 5 të rinjsh kanë mbetur të bllokuar në Malësinë e Madhe, në fshatin Fushë Zezë 20 km mbi Razëm. Njëri nga djemtë, Orlando Gila, nuk është ndjerë mirë në një largësi të madhe nga vendi ku kishin lënë automjetet e tyre. Miqtë kërkuan ndihmë për shokun i cili u sëmur. Me të marrë telefonatën, drejt Fushës së Zezë janë nisur ambulanca dhe dy grupe të forcave speciale FNSH.

Grupi ambulancës është nisur drejt vendit te ngjarjes por duhen te paktën dy orë në këmbë për të mbërritur tek te rinjtë. Ekspertet e shëndetësisë dhe policisë u kane sugjeruar te rinjve të strehohen përkohësisht në një stan që përdoret gjate verës për bagëtitë deri në mbërritjen e ndihmës.

“Nga komunikimi me vendin ku ndodhet i sëmuri rezulton se gjendja e tij është në përmirësim. Me grupet e gatshme të forcave të ndërhyrjes së shpejtë është dërguar edhe një infermier për t’i dhënë ndihmën e shpejtë në rast nevoje”, sqarojnë autoritet.

semuret i riu ne shkoder shkoder orlando gila

Sondazh

Poll

MË SHUMË