Politike

Berisha: Rama i dha McGonigal përmes Agron Nezës 225 mijë $, Dorian Duçka përdor email dhe adresën e qeverisë shqiptare

Berisha tha se kjo është zbuluar në hetimin e FBI, ndërsa shtoi se personi tjetër që është zbuluar në këtë çështje është Dorian Duçka

24 Janar 2023, 12:36 Nga f.g
Berisha: Rama i dha McGonigal përmes Agron Nezës 225 mijë $,
Sali Berisha, kryetar i PD

TIRANE- Kryetari i Partisë Demokratike, Sali Berisha tha se 225 mijë dollarët që iu dhanë ish-zyrtarit të arrestuar të FBI, Charles McGonigal, vijnë nga kryeministri Edi Rama dhe janë paguar nëpërmjet Agron Nezës. Berisha tha se kjo është zbuluar në hetimin e FBI, ndërsa shtoi se personi tjetër që është zbuluar në këtë çështje është Dorian Duçka, një ish-zyrtar i qeverisë shqiptare.

Pjesë nga deklarata e Berishës:

Pra, siç e shihni, një juri e SHBA, vuri nën hetim Edi Ramën dhe këshilltarët e tij.
Çfarë është zbuluar ndërkohë?
Është zbuluar se Edi Rama, nëpërmjet Agron Nezës, i ka dorëzuar Charles McGonigal 225 mijë dollarë në një dorë. 80 mijë dollarë në një dorë tjetër, sipas medieve.
Çfarë është zbuluar në këto lidhje të tmerrshme mafioze spiunazhi? McGonigal ka përfaqësuar një nga bosët e mafies ruse, Oleg Deripaska, i cili ose për të cilin ka lobuar te Edi Rama.
Çfarë është Dorian Duçka? Është një mafioz i punësuar si drejtor për katër vite në një konglomerat energjetik kinez. Ju kujtohen avionët që merrnin Edi Ramën dhe Olsi Ramën që i çonin në Pekin? Ato i sillte drejtor Duçka. Kjo kompani është në hetim të thellë në Kinë dhe SHBA njëkohësisht.
Dorian Duçka, sipas FBI, qëndron në paradhomën e kryeministrit. Ai përdor emailin dhe adresën qeveritare. Sipas hetimeve të FBI, përdor email qeveritar të Shqipërisë dhe adresë të qeverisë së Shqipërisë.
Mediat kanë filmuar Duçkën tek del nga kryeministria me eksponentë kryesorë të kartelit më të fuqishëm në botë të drogës, Sinaloa.

CNN publikoi dje lajmin e arrestimit të McGonigal për shkak të bashkëpunimit dhe parave që ka marrë nga një oligark rus. McGonigal ka fshehur të dhëna në lidhje me një pagesë prej qindra mijëra eurosh të marra nga një ish-punonjësi i inteligjencës shqiptare, çka përbën edhe akuzën e dytë me të cilën përballët ish-zyrtari. Në artikull përmendet fakti që ai është takuar me kryeministrin shqiptar, Edi Ramën dhe një politikan kosovar. Deri më tani nga autoritetet dhe qeveria shqiptare nuk ka asnjë reagim për të sqaruar pozicionin e kryeministrit apo për të hetuar ndikimin e paligjshëm të ish-zyrtarit tek kryeministri shqiptar, me të cilin njihet si "mik"./Dosja.al

agron neza edi arrestohet charles mcgonigal dorian duçka

Sondazh

Poll

MË SHUMË