Politike

Arrestimi i zyrtarit të FBI-së dhe takimi me Ramën, Meta: Do dalin skandale të tjera

Ilir Meta tha se ka dijeni për ekzistencën e një mafie ndërkombëtare. 

24 Janar 2023, 12:36 Nga k.m.
Arrestimi i zyrtarit të FBI-së dhe takimi me Ramën, Meta: Do
Ilir Meta

TIRANË- Kreu i Partisë së Lirisë, Ilir Meta ftoi qytetarët të kenë durim pasi skandale të tjera do të dalin në dritë sipas tij duke nënkuptuar edhe diçka në lidhje edhe me arrestimin e zyrtarit të FBI-së amerikane. Në një konferencë për mediat, Ilir Meta tha se ka dijeni për ekzistencën e një mafie ndërkombëtare. 

“Raporti më i pasinqertë në botë është ai midis Edi Ramës dhe Amerikës. Nga Bilali te Charli, skandal pas skandali. Që tregon që nuk ka qenë raport vlerash por aferash. Një raport korrupsioni me qëllimin helmimin e miqësisë shqiptaro amerikane. Dihet që të gjithë shqiptarët ndajnë vlerat dhe konsideratat më të mirat me SHBA që nga viti 1990 deri tani. Jam i bindur që skandale të tjera do të dalin. Ju kam thënë prej kohësh për ekzistencën e një mafie ndërkombëtare. Të keni durim, do të ketë edhe të tjerë,”- tha Meta.

ilir meta ilir meta 24 janar 2023

Sondazh

Poll