Aktualitet

Gruaja kalon lumin me këmbë dhe humb jetën. Meta e Berisha: Si në mesjetë për shkak të urës! Turp, e kanë lënë fshatin në këtë gjendje

Në postim shkruhet se gruaja në fjalë ka tentuar të kalojë lumin, por në mungesë të urës që lidh dy anët, është futur në ujë dhe është mbytur.

22 Janar 2023, 18:03 Nga F.M
Gruaja kalon lumin me këmbë dhe humb jetën. Meta e Berisha: Si
Rehovë

TIRANË- Një grua ka humbur jetën një ditë më parë pasi është mbytur në lum, por nga ana e autoriteteve nuk ka pasur asnjë reagim. Një postim i faqes me emrin ‘Jemi Skraparlinj’, ka bërë që kjo ngjarje e rëndë të marrë vëmendje. Postimi është shpërndarë nga kryedemokrati Sali Berisha dhe kreu i Partisë së Lirisë, Ilir Meta. Në postim shkruhet se gruaja në fjalë ka tentuar të kalojë lumin, por në mungesë të urës që lidh dy anët, është futur në ujë dhe është mbytur. Si Berisha, ashtu edhe Meta fajësojnë autoritetet për mungesën e urës dhe për heshtjen nga ana e autoriteteve.

Postimi i Berishës: 

Mbytet në lumë si në mesjetë për shkak të urës! Ngushëllimet më të ndjera familjes! Turpi atyre që kanë braktisur fshatin në këtë mënyrë! sb

Postimi i Metës: 

Ngushëllimet më të sinqerta për familjen Llari nga Rehova e Skraparit për humbjen e njeriut të tyre të dashur në përpjekje për të kaluar lumin e Tomorricës! Braktisja e njerëzve të kësaj zone dhe mungesa e urës u bënë shkaktarë të humbjes së jetës! Me papërgjegjshmërinë dhe hajdutërinë e saj "Rilindja" po bëhet shkaktare e këtyre tragjedive!

sali berisha mbytet gruaja ne rehove ilir meta

Sondazh

Poll

MË SHUMË