Sport

Al Hilal, ‘mbreti’ i Champions League në Azi, fryn ‘gjoksin’ para Cristiano Ronaldos: “Ne jemi si Reali i Madridit”…

Skuadra më e suksesshme e Riadit në Azi nuk ka frikë nga fqinjët e saj Al Nassr, pavarësisht nënshkrimit të Cristiano Ronaldos. Ata ëndërrojnë të arrijnë në gjysmëfinale në Botërorin e ardhshëm për Klube.

14 Janar 2023, 08:07 Nga DOSJA

Al Hilal, ‘mbreti’ i Champions League në Azi, fryn

ARABIA SAUDITE - Derbi i Riadit hyn në një tjetër dimension. Al Hilal kohët e fundit i ka tejkaluar fqinjët e tyre të Al Nassr me një lehtësi relative, duke fituar dy Champions League në katër vitet e fundit dhe tre liga të Arabisë Saudite me radhë. 

Tani, ata pranojnë sfidën për të vazhduar të jenë mbretër të Azisë edhe me Cristiano Ronaldon si rival. Ardhja e yllit portugez te Al Nassr nuk i duket i keq mbretit të Azisë. 

Al Hilal po tregon gjoksin e tij tani që bota po fokusohet në ligën e Arabisë Saudite dhe vetëm një muaj para se të luajë Kupën e Botës për Klube në Marok.

Nëntë nga njëmbëdhjetë titullarët, që bënë histori me Arabinë Saudite kundër Argjentinës në Kupën e Botës 2022 në Katar, luajnë me Al Hilal. Përveç futbollistëve më të mirë vendas, në radhët e tyre, ata kanë edhe yje të huaj si André Carrillo, Moussa Marega, Odion Ighalo, Matheus Pereira dhe Luciano Vietto.

Ata nuk i frikësohen Cristianos... apo kujtdo në Kupën e Botës për Klube. Ata tregojnë trofetë më të rëndësishëm në continent dhe thonë: “Ne jemi Real Madridi i Azisë”.

B.T (Dosja.al)

Sondazh

Poll

MË SHUMË