Sport

Serie A/ Napoli e ekzagjeroi me poshtërimin e Juves: ‘Azzurrët’ në arrati për Scudetton

Në stadiumin Maradona, Napoli shpartalloi 5-1 bardhezinjtë e Torinos me dy golat e sulmuesit Nigerian, Kvaratskhelias, Rrahmanit dhe Elmas. Goli e Di Marias ishte pa peshë për skuadrën e Allegrit

14 Janar 2023, 06:51 Nga DOSJA
Serie A/ Napoli e ekzagjeroi me poshtërimin e Juves:

ITALI - Napoli mposhti Juventusin 5-1 të premten në mbrëmje dhe i jep një goditje shumë të rëndë garës për Scudetton, duke ndalur rikthimin bardhezinjve pas një ndeshje të madhe, duke kaluar në +10 pikë epërsi ndaj Juventusit të Allegrit. 

Në stadiumin ‘Maradona’ u zhvillua një ndeshje spektakolare e luajtur me ritme të larta dhe me shumë mundësi. Në pjesën e parë Osimhen (14') zhbllokon takimin me një goditje me kokë, më pas Di Maria fillimisht godet këndin e sipërm, më pas shkurton distancën (42'), pasi Kvaratskhelia kishte dyfishuar epërsinë (39'). 

Në pjesën e dytë azzurët e Napolit e thelluan rezukatin pas golave të Rrahmanit (55'), sërish Osimhen (65') dhe Elmas (72'), të cilët u kujdesën për të mbyllur ndeshjen dhe për të ndëshkuar me turp Juventusin 5-1.

Napoli e ekzagjeroi, Juventusi u poshtëruar. Kështu përfundon sfida në lartësi të madhe e kampionatit. Një verdikt shumë i vështirë për bardhezinjtë, por që tregon saktësisht vlerat që shihen në fushë dhe që ndan kampionatin. 

Në fund të pjesës së parë, në të cilën Juve u përpoq ta kthente ndeshjen në rrugën e duhur,  Napoli  dominoi shumë larg, duke u dhënë lojtarëve të Allegrit pesë gola në një ndeshje të vetme. Duke qenë se Juventusi krenohej me tetë ndeshje pa pësuar qoftë edhe një gol. Pa forcë dhe pa ide në këmbët e tyre, skuadra e ‘Zonjës së Vjetër’ është shembur në gjysmë orën e fundit.

B.T (Dosja.al)

Sondazh

Poll

MË SHUMË