Sport

Maroku bojkoton Kampionatin e Afrikës, shkak një konflik politik me Algjerinë…

Në një deklaratë për shtyp të publikuar mëngjesin e kësaj të enjte, Federata Marokene konfirmoi se nuk do të marrë pjesë në CHAN, që fillon këtë të premte në Algjeri në sfondin e një konflikti diplomatik me fqinjin e saj.

12 Janar 2023, 12:21 Nga DOSJA

Maroku bojkoton Kampionatin e Afrikës, shkak një konflik politik me

MAROK - Në një njoftim për shtyp në faqen e saj të internetit, Federata Marokene e Futbollit konfirmoi se nuk do të marrë pjesë në Kampionatin e Kombeve Afrikane, që do të fillojë nesër. Që nga gushti i vitit 2021 dhe tensionet gjeopolitike mes dy vendeve, avionëve marokenë u ndalohet të fluturojnë mbi territorin algjerian.

Sipas FRMF-së, një marrëveshje në parim është arritur më 22 dhjetor, por nuk është konfirmuar asnjëherë. Kjo është ajo që dënon Federata Marokene në deklaratën e saj për shtyp: "Skuadra marokene e futbollit nuk është në gjendje të udhëtojë në Konstantin (Algjeri) për të garuar në edicionin e 7-të të Kampionatit të Futbollit të Kombeve Afrikane, që do të organizohet në Algjeri nga 13 janari deri më 4 shkurt 2023 dhe të mbrojë titullin e saj, për aq sa nuk është konfirmuar autorizimi përfundimtar për fluturimin e tij Royal Air Maroc (RAM), transportues zyrtar i ekipeve marokene të futbollit, nga Rabat në Konstantin”.

Për kujtesë, ‘Luanët e Atlasit’ kanë fituar dy edicionet e fundit (2018, 2020) të këtij kompeticioni, që përfshin seleksione të përbëra vetëm nga lojtarë që luajnë në kampionatin lokal.

B.T (Dosja.al)

Sondazh

Poll

MË SHUMË