Sport

Italia e para për futjen e sistemit gjysmë automatik të pozicionit jashtë loje, ja si do të funksionojë!

Me futjen e offside gjysmë automatike Saot, në stadium do të vendosen dymbëdhjetë kamera (8 përveç atyre që parashikon transmetimi) për gjurmimin e lojtarëve dhe rikonstruksionin e tyre tredimensional. Nëpërmjet teknologjisë HawkVision, 22 në fushë do të gjurmohen në 29 pika të trupit

11 Janar 2023, 13:03 Nga DOSJA
Italia e para për futjen e sistemit gjysmë automatik të

ITALI - Me rastin e finales së Superkupës së Italisë ndërmjet Milanit dhe Interit, e planifikuar për më 18 janar në Arabinë Saudite, Lega Serie A prezanton për herë të parë Sistemin Gjysëm Automatik Offside (S.A.O.T.), një sistem tashmë i përdorur nga FIFA me rastin e Kupës së Botës në Katar. “Është një ditë e rëndësishme, ne ishim liga e parë në botë që kishim teknologjinë e vijës së portës, e para që kishim VAR dhe tani e para që do të përdorim pozicionin jashtë loje gjysmë automatik (në fakt Superkupa e Spanjës do ta pagëzojë përpara ) “, tha CEO i Lega Serie A, Luigi De Siervo.

"Është një mjet që na lejon të punojmë në avancë, kemi bërë shumë prova për të mbërritur të përgatitur për raundin e dytë. Superkupa do të jetë një test shumë i rëndësishëm", komentoi dizenjatori i arbitrave Gianluca Rocchi. "Është një mjet që na lejon të bëjmë më pak gabime dhe të shkurtojmë kohët e vendimeve, por nevojiten trajnime të nivelit të lartë. Megjithatë, edhe me ardhjen e gjysmë-automatizmit, aspekti njerëzor në vendime mbetet thelbësor", shtoi ai.

U fol edhe për kohëzgjatjen e ndeshjeve: “Jemi shteti europian me rikuperimet më të larta, por edhe në krye të kohës efektive, 54 minuta si Premier League” dhe me një mesatare dy minuta më poshtë Champions League. Duhet të përshpejtojmë rifillimin e lojës, pjesërisht goditjet nga këndi. Në disa goditje të lira humben edhe 2 minuta ndërmjet bilbilit të gjyqtarit dhe rifillimit të lojës". Në Serinë A, mesatarisht shtatë minuta e gjysmë kohë shtesë për ndeshje, 8% e rezultateve u modifikuan mbi 90 '.

Duke u rikthyer në "offside" gjysmë automatik, pas Superkupës do të jetë radha e Serisë A, duke nisur nga dita e parë e turit të dytë, të planifikuar për fundjavën e 27 janarit. Konfirmimi erdhi nga Andrea Butti, Shefi i Garave të Lega Serie A, gjatë një konference për shtyp në Qendrën Ndërkombëtare të Transmetimeve të Lega Serie A në Lissone.

"Është një hap përpara në garë, sepse do të ketë shpejtësi më të madhe në vendimmarrje për arbitrat. Është një mjet që do të na mundësojë të punojmë më mirë, të gjitha në marrëveshje të plotë me Federatën", deklaroi ai. “Gjyqtarët e kanë përdorur tashmë teknologjinë offline në pjesën e parë të sezonit, është zbatim i protokollit VAR dhe nuk ka nevojë për certifikim të mëtejshëm”, shtoi ai.

SI FUNKSIONON

Me futjen e offside gjysmë automatike Saot, në stadium do të vendosen dymbëdhjetë kamera (8 përveç atyre që parashikon transmetimi) për gjurmimin e lojtarëve dhe rikonstruksionin e tyre tredimensional. Nëpërmjet teknologjisë HawkVision, 22 në fushë do të gjurmohen në 29 pika të trupit, nga maja e hundës deri në strukturën e masës fizike, me një diferencë milimetrike. Falë edhe futjes së vijës së lojtarit të fundit, kështu do të jetë e mundur të lehtësohet vendimi në momente të shpejta në situata jashtë loje.

B.T (Dosja.al)

Sondazh

Poll

MË SHUMË