Politike

Çfarë ka Berisha? Kreu i PD-së i sëmurë, mungon në ceremoninë e 32-vjetorit të themelimit të RD-së, deputeti: S'na u bashkua dot

Bylykbashi deklaroi se ish-kryeministri Berisha ishte me grip, ndaj edhe nuk ishte i pranishëm në ceremoni.

5 Janar 2023, 18:45 Nga A.B
Çfarë ka Berisha? Kreu i PD-së i sëmurë, mungon
Ceremonia

TIRANË- Kryetari i Partisë Demokratike, Sali Berisha nuk ishte i pranishëm ditën e sotme në festën e 32-vjetorit të rithemelimit të gazetës Rilindja Demokratike. Mosprezenca e tij u vu re nga të pranishmit ndaj u desh një sqarim që në krye të eventit.

Në fillim të ceremonisë, deputeti i PD-së, Oerd Bylykbashi deklaroi se ish-kryeministri Berisha ishte me grip, ndaj edhe nuk ishte i pranishëm në ceremoni.

“Më bie privilegji t’ju drejtohem juve sot në këtë përvjetor të 32-të të Rilindjes Demokratike, t’ju përcjell urimet më të mira nga Sali Berisha, kryetar i PD-së, i cili sot për arsye të një gripi, nuk arriti të na bashkohet sot këtu” – tha Bylykbashi.

Mungesa e Berishës është shumë e pazakontë, duke qënë se kreu i PD-së, ka qënë në çdo ngjarje të mundshme. Vlen të theksohet, se pas grushtit që mori në protestën e 6 dhjetorit, edhe pse në gjendje aspak të mirë, Berisha u shfaq para mediave. Pritet që në orët në vijim të ketë një përditësim të gjendjes së Berishës.

Kjo do shihet më mirë nesër, pasi siç tashmë dihet, dita e premte është dita e konferencës së përjavshme të Berishës me gazetarët.

sali berisha

Sondazh

Poll

MË SHUMË