Bota

Ozempic; ilaçi që po "çmend" Hollywood-in, shëron diabetin, por po e përdorin për të humbur peshë

Por ilaçi përshkruhet gjithashtu për të trajtuar sëmundje si diabeti, por kërkesa gjithmonë e më në rritje, po e bën më të vështirë për mjekët marrjen e ilaçit për pacientët që kanë nevojë për të.

29 Dhjetor 2022, 10:05 Nga k.m.

 

Ozempic; ilaçi që po "çmend" Hollywood-in,
Ozempic

 

BRITANI E MADHE- Ozempic është ilaçi, i etiketuar nga media si "sekret i mbajtur keq" i Hollivudit për të shënuar humbje drastike në peshë dhe efektet e tij në dukje të shpejta kanë ndezur internetin. Por ilaçi përshkruhet gjithashtu për të trajtuar sëmundje si diabeti, por kërkesa gjithmonë e më në rritje, po e bën më të vështirë për mjekët marrjen e ilaçit për pacientët që kanë nevojë për të.

Elon Musk thotë se pamja e tij i "detyrohet" ilaçit. E po ashtu u përfol se Ozempic u përdor edhe nga Kim Kardashian për ndryshimin e saj drastik të peshës para MET Gala, megjithëse ajo nuk e ka konfirmuar përdorimin e ilaçit. I disponueshëm vetëm në Mbretërinë e Bashkuar për pacientët me diabet të tipit 2 me recetë, ilaçi u miratua nga Administrata Amerikane e Ushqimit dhe Barnave (FDA) për humbje peshe vitin e kaluar.

Polemika kryesore e Ozempic rrjedh nga ndikimi i saj i menjëhershëm - të përziera të lehta kur mendoni për ushqimin. Ka edhe efekte të tjera anësore- pasi ndikon pankreasi, gurët e tëmthit dhe rreziku potencial i rritjes së kancerit të tiroides. Mungesat janë të shumta dhe ka shqetësime se barnat si Ozempic po bëhen më pak të disponueshme për pacientët me diabet që e kanë të nevojshme.

Dr. Robert Gabbay tha për Sky News se ai ka pacientë që duhet të shkojnë nga farmacia në farmaci për të marrë medikamentin.

“Sigurisht që kam pacientë që kanë luftuar për të hyrë në mjekim dhe u është dashur të humbasin dozat, gjë që i vë ata në rrezik për shtim në peshë dhe nivele më të larta të glukozës në gjak,”- tha Dr Gabbay.

Industria e dietave amerikane vlen rreth 58 miliardë dollarë pasi më shumë se një e treta e popullsisë vuan nga mbipesha. 

ozempic

Sondazh

Poll

MË SHUMË